അടിമാലിയിൽ അനിയനെ കുത്തിക്കൊലപ്പെടുത്തി ജ്യേഷ്ഠൻ; മദ്യപാനത്തെ തുടർന്ന് തർക്കം കലാശിച്ചത് കൊലപാതകത്തിലെന്ന് പൊലീസ്

വീട്ടിൽ മദ്യലഹരിയിൽ ഉണ്ടായിരുന്ന പ്രസാദിനെ വെള്ളത്തൂവൽ പൊലീസ് കസ്റ്റഡിയിലെടുത്തു. പ്രസാദ് നേരത്തെയും നിരവധി കേസുകളിൽ പ്രതിയാണ്.

ഇടുക്കി: ഇടുക്കി അടിമാലിയിൽ മദ്യലഹരിയിൽ ജേഷ്ഠൻ അനുജനെ കുത്തിക്കൊന്നു. ശല്യംപാറ സ്വദേശി പ്രസാദ് ആണ് അനുജൻ അനിലിനെ കുത്തിക്കൊലപ്പെടുത്തിയത്. മദ്യപാനത്തെ തുടർന്നുള്ള തർക്കമാണ് കൊലപാതകത്തിന് കാരണം. ഇരുവരും തമ്മിൽ നേരത്തെയും പ്രശ്നങ്ങൾ ഉണ്ടായിരുന്നു. ആശുപത്രിയിൽ പോയ ഭാര്യ തിരികെ വീട്ടിലെത്തിയപ്പോഴാണ് അനിലിനെ രക്തം വാർന്ന് നിലത്ത് കിടക്കുന്ന നിലയിൽ കണ്ടെത്തിയത്. ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. വീട്ടിൽ മദ്യലഹരിയിൽ ഉണ്ടായിരുന്ന പ്രസാദിനെ വെള്ളത്തൂവൽ പൊലീസ് കസ്റ്റഡിയിലെടുത്തു. പ്രസാദ് നേരത്തെയും നിരവധി കേസുകളിൽ പ്രതിയാണ്.