പെൺകുട്ടിയുടെ പരാതിയിൽ കോട്ടൂർപുരം പൊലീസാണ് ഇയാളെ അറസ്റ്റ് ചെയ്തത്. പെൺകുട്ടി തന്നെയാണ് ഇയാളുടെ മുറി പുറത്ത് നിന്ന് പൂട്ടി പിടികൂടിയത്.
ചെന്നൈ: രഹസ്യ ക്യാമറയിൽ ശുചിമുറിയിലെ ഐഐടി വിദ്യാർത്ഥിനിയുടെ വീഡിയോ ചിത്രീകരിച്ചതിന് മദ്രാസ് ഐഐടി റിസർച്ച് അസിസ്റ്റന്റ് അറസ്റ്റിൽ. എയ്റേസ്പേസ് വിഭാഗം റിസർച്ച് അസിസ്റ്റന്റ് ശുഭം ബാനര്‍ജി ആണ് പിടിയിലായത്. പെൺകുട്ടിയുടെ പരാതിയിൽ കോട്ടൂർപുരം പൊലീസാണ് ഇയാളെ അറസ്റ്റ് ചെയ്തത്. പെൺകുട്ടി തന്നെയാണ് ഇയാളുടെ മുറി പുറത്ത് നിന്ന് പൂട്ടി പിടികൂടിയത്.
കഴിഞ്ഞ ദിവസം ഐഐടി ക്യാമ്പസിൽ എയ്റോസ്പേസ് ഡിപ്പാർട്ട്മെന്റിന് സമീപത്തെ ലാബിനോട് ചേർന്നുള്ള സ്ത്രീകളുടെ ശുചിമുറിയില്‍ നിന്നാണ് ഇയാള്‍ വീഡിയോ പകര്‍ത്താന്‍ ശ്രമിച്ചത്. ഗവേഷക വിദ്യാര്‍ത്ഥിനി ശുചിമുറിയില്‍ കയറിയപ്പോഴാണ് ഭിത്തിയിലെ ദ്വാരത്തിൽ ക്യാമറ കണ്ടത്. തുടര്‍ന്ന് പരിശോധിച്ചപ്പോള്‍ ഫോണ്‍ വീഡിയോ ക്യാമറ ഓണ്‍ ചെയ്ത് ദൃശ്യങ്ങള്‍ റെക്കോഡ് ചെയ്യുന്ന നിലയിലായിരുന്നു.ഉടന്‍ തന്നെ വിദ്യാര്‍ത്ഥിനി ഇയാളെ മുറിക്കുള്ളില്‍ പൂട്ടിയിടുകയായിരുന്നു.