ബലാൽസംഗത്തിന് ഇരയായ ഒന്നരവയസുകാരി മരണപ്പെട്ടു; പ്രതിയെ വെടിവച്ച് വീഴ്ത്തി പിടികൂടി പൊലീസ്

ബലാൽസംഗത്തിന് ഇരയായ കുഞ്ഞ് ചികിൽസയിലിരിക്കെ മരിച്ചു. മൃതദേഹം പോസ്മോർട്ടിന് അയച്ചു.

ബറൈച്ച് :ഒന്നര വയസുള്ള കുഞ്ഞിനെ ബലാൽസംഗം ചെയ്തു കൊന്ന പ്രതിയെ വെടിവച്ച് വീഴ്ത്തി പിടികൂടി. ഉത്തർപ്രദേശിലെ ബറൈച്ച് ജില്ലയിലാണ് നാടിനെ നടുക്കിയ സംഭവം നടന്നത്. 30 വയസുള്ള പ്രതി ഒന്നരവയസുള്ള കുട്ടിയെ ലൈംഗികമായി പീഡിപ്പിക്കുകയായിരുന്നു. അമ്മയ്ക്കൊപ്പം വീട്ടിൽ ഉറങ്ങിക്കിടന്ന ഒന്നരവയസുള്ള കുഞ്ഞിനെ എടുത്ത് കൊണ്ടുപോയി അടുത്തുള്ള സ്കൂളിൽ വച്ച് ലൈംഗികമായി പീഡിപ്പിക്കുകയായിരുന്നു. 

തിങ്കളാഴ്ച രാത്രിയാണ് സംഭവം. അന്വേഷിച്ചിറങ്ങിയ നാട്ടുകാർ തന്നെയാണ് പ്രതിയെ പിടികൂടിയത്. ബലാൽസംഗത്തിന് ഇരയായ കുഞ്ഞ് ചികിൽസയിലിരിക്കെ മരിക്കുകയും ചെയ്തു. മൃതദേഹം പോസ്മോർട്ടിന് അയച്ചു. കുട്ടിയുടെ പിതാവിന്റെ പരാതിയിലാണ് പ്രതിക്കെതിരെ കേസെടുത്തിരിക്കുന്നത്. പോക്സോ അടക്കമുള്ള വകുപ്പുകളും ചുമത്തി.

നാട്ടുകാർ പിടികൂടി നന്നായി കൈകാര്യം ചെയ്ത ശേഷമാണ് പ്രതിയെ പൊലീസിനെ ഏൽ‌പ്പിച്ചത്. തുടർന്ന് മജിസ്ട്രേറ്റിന് മുന്നിൽ ഹാജരാക്കാൻ കൊണ്ടുപോയപ്പോഴാണ് രക്ഷപ്പെട്ട് ഓടിയത്. പിന്നാലെ പൊലീസ് ഇയാളുടെ കാലില്‍ വെടിവച്ച് വീഴ്ത്തി പിടികൂടുകയായിരുന്നു.