പ്രായപൂർത്തിയാകാത്ത പെൺകുട്ടിയെ ബലാത്സം​​ഗം ചെയ്തു ​ഗർഭിണിയാക്കി; പ്രതി അറസ്റ്റിലായതായി പൊലീസ്

വീഡിയോ ദൃശ്യങ്ങൾ പുറത്താക്കുമെന്ന് ഇയാൾ പെൺകുട്ടിയെ ഭീഷണിപ്പെടുത്തിയിരുന്നതായും പൊലീസ് വ്യക്തമാക്കി. അസ്മൽ ലഷ്കർ എന്ന ആശിഷ് ദുബേയാണ് പൊലീസ് പിടിയിലായത്. 

മുംബൈ: പ്രായപൂർത്തിയാകാത്ത പെൺകുട്ടിയെ ബലാത്സം​ഗത്തിനിരയാക്കി ​ഗർഭിണിയാക്കിയതിനെ തുടർന്ന് ഇരുപത്തേഴുകാരനായ യുവാവിനെ അറസ്റ്റ് ചെയ്തു. കൂടാതെ പെൺകുട്ടിയുടെ അമ്മായിയെയും ഇയാൾ ബലാത്സം​ഗത്തിനിരയാക്കുകയും അവരുടെ അനുവാദമില്ലാതെ വീഡിയോ ചിത്രീകരിക്കുകയും ചെയ്തിരുന്നു. വീഡിയോ ദൃശ്യങ്ങൾ പുറത്താക്കുമെന്ന് ഇയാൾ പെൺകുട്ടിയെ ഭീഷണിപ്പെടുത്തിയിരുന്നതായും പൊലീസ് വ്യക്തമാക്കി. അസ്മൽ ലഷ്കർ എന്ന ആശിഷ് ദുബേയാണ് പൊലീസ് പിടിയിലായത്. 

വിവാഹവാ​ഗ്ദാനം നൽകിയാണ് ഇയാൾ ഇരുപത്തിമൂന്നുകാരിയായ യുവതിയെ പീഡിപ്പിച്ച്, പീഡനദൃശ്യങ്ങൾ പകർത്തിയതെന്ന് ബം​ഗൂർ പൊലീസ് ഉദ്യോ​ഗസ്ഥൻ വ്യക്തമാക്കുന്നു.  ഒരു പാർട്ടിയിൽ വച്ചാണ് ഇയാൾ പെൺകുട്ടിയെയും അമ്മായിയെയും പരിചയപ്പെട്ടത്. അസം സ്വദേശിയായ ഇയാൾ മുംബൈയിലാണ് താമസിക്കുന്നതെന്നും പൊലീസ് വ്യക്തമാക്കി. സബർബൻ ഖറിൽ നിന്നാണ് ഇയാളെ അറസ്റ്റ് ചെയ്തതെന്ന് പൊലീസ് കൂട്ടിച്ചേർത്തു. ബലാത്സം​ഗം, പോക്സോ എന്നീ വകുപ്പുകൾ ചുമത്തി, പെൺകുട്ടിയുടെ മാതാപിതാക്കളുടെ പരാതി പ്രകാരം ഇയാൾക്കെതിരെ കേസ് രജിസ്റ്റർ ചെയ്തതായി പൊലീസ് അറിയിച്ചു.