
തിരുവനന്തപുരം: കടയ്ക്കാവൂർ കീഴാറ്റിങ്ങൽ സഹകരണ ബാങ്ക് ഗ്യാസ് കട്ടർ ഉപയോഗിച്ച് ഷട്ടർ അറുത്ത് കവർച്ചക്ക് ശ്രമം നടത്തിയ കേസ്സിലെ ഒമ്പതാം പ്രതിയും കടയ്ക്കാവൂർ പൊലീസിന്റെ പിടിയില്. മുദാക്കൽ ഊരു പൊയ്ക ലക്ഷം വീട്ടിൽ രാജീവ് (42) ആണ് പിടിയിൽ ആയത്. കേസ്സിലെ മറ്റ് പ്രതികളെ കഴിഞ്ഞ ദിവസം പൊലീസ് പിടികൂടിയിരുന്നു. എന്നാൽ ഒളിവിലായിരുന്ന രാജീവിനെ കഴിഞ്ഞദിവസം പിടികൂടാൻ കഴിഞ്ഞിരുന്നില്ല.
ഇരുപത് വർഷമായി പൊലീസ് പിടികിട്ടാപുള്ളി ആയി പ്രഖ്യാപിച്ചിരുന്ന ഇളമ്പ കുന്നുവിള വീട്ടിൽ അനിൽകുമാറിന്റെ നേതൃത്വത്തിൽ ഉള്ള എട്ടംഗ സംഘം ആണ് കഴിഞ്ഞ ദിവസം കടയ്ക്കാവൂർ പൊലീസിന്റെ പിടിയിൽ ആയത്. ഇയാൾ പിടിയിൽ ആയതോടെ തെളിയാതെ കിടന്ന നിരവധി മോഷണക്കേസ്സുകൾക്ക് തുമ്പ് കിട്ടിയിരുന്നു.
ആറ്റിങ്ങൽ ഡി വൈ എസ് പി കെ വിദ്യാധരന്റെ നിർദ്ദേശപ്രകാരം കടയ്ക്കാവൂർ പോലീസ് ഇൻസ്പെക്ടർ എം ശ്രീകുമാർ , കടയ്ക്കാവൂർ എസ് ഐ വിനോദ് വിക്രമാദിത്യൻ , ഷാഡോ ടീം അംഗങ്ങളായ ബി ദിലീപ് , ആർ ബിജുകുമാർ, സിവിൽ പൊലീസ് ഓഫീസർമാരായ ഡീൻ , സജു എന്നിവരുടെ നേതൃത്വത്തിലാണ് പ്രതിയെ പിടികൂടിയത്.
ഇന്ത്യയിലെയും ലോകമെമ്പാടുമുള്ള എല്ലാ Crime News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam