10-ാം ക്ലാസ് വിദ്യാര്ത്ഥിനിയെ വിവാഹ വാഗ്ദാനം നല്കി പീഡിപ്പിച്ചു; കായികാധ്യാപകനെതിരെ പോക്സോ കേസ്
Synopsis
ഒമ്പതാം ക്ലാസ് മുതല് പെൺകുട്ടിക്ക് വിവാഹ വാഗ്ദാനം നല്കി അധ്യാപകൻ പീഡനത്തിരയാക്കുകയായിരുന്നു. അതിനിടെ ഫോട്ടോകള് എടുത്ത് വിവിധ ആളുകള്ക്ക് കൈമാറി ഭീഷണിപെടുത്തുകയുമാണ് രീതി.
പാലക്കാട്: പാലക്കാട് ആനക്കരയിൽ പത്താംക്ലാസ് വിദ്യാര്ത്ഥിനിയെ പീഡിപ്പിച്ച കായിക അധ്യാപകനെതിരെ പോക്സോ കേസ്. ഒളിവിൽ പോയ അധ്യാപകനെതിരെ ചാലിശ്ശേരി പൊലീസ് അന്വേഷണം ഊർജിതമാക്കി.
ഒമ്പതാം ക്ലാസ് മുതല് പെൺകുട്ടിക്ക് വിവാഹ വാഗ്ദാനം നല്കി അധ്യാപകൻ പീഡനത്തിരയാക്കുകയായിരുന്നു. അതിനിടെ ഫോട്ടോകള് എടുത്ത് വിവിധ ആളുകള്ക്ക് കൈമാറി ഭീഷണിപെടുത്തുകയുമാണ് രീതി. കഴിഞ്ഞ ദിവസം ഇരയുമായി കടന്ന് കളയാനുള്ള ഇയാളുടെ ശ്രമം രക്ഷിതാക്കളുടെ ഇടപെടല് മൂലം തടസപ്പെട്ടു. തുടര്ന്ന് യുവാവുമായി സംസാരിച്ചപ്പോള് ഇതെല്ലാം തന്റെ ഹോബിയാണന്ന മറുപടിയാണ് ലഭിച്ചത്.
ഇതിന് മുമ്പ് ഇത്തരത്തില് രണ്ട് പെണ്കുട്ടികളെ കൂടി പ്രതി ചൂഷണത്തിനിരയാക്കിയിരുന്നു എന്നാണ് സൂചന. പെണ്കുട്ടിയുടെ മൊഴിയുടെ അടിസ്ഥാനത്തില് ചാലിശ്ശേരി പൊലീസ് പോക്സോ കേസ് ചുമത്തി. എന്നാല് 23 കാരനായ പി ടി അധ്യാപകന് ഒളിവിലാണ്. ചാലിശ്ശേരി സി ഐ സതീഷ് കുമാറിന്റെ നേതൃത്വത്തില് അന്വേഷണം ഊര്ജിതമാക്കി.
ഇന്ത്യയിലെയും ലോകമെമ്പാടുമുള്ള എല്ലാ Crime News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam