തൃശ്ശൂരില്‍ ഡിവൈഎഫ്ഐ നേതാവിന് വെട്ടേറ്റ സംഭവം; 4 പ്രതികള്‍, 3 പേരെ തിരിച്ചറിഞ്ഞു, ഉടന്‍ പിടികൂടുമെന്ന് പൊലീസ്

ഇന്ന് പുലർച്ചെയാണ് ഡിവൈഎഫ്ഐ കുന്നംകുളം ഈസ്റ്റ് ബ്ലോക്ക് സെക്രട്ടറി കെ എ സൈഫുദീന് നേരെ ആക്രമണമുണ്ടായത്. 

തൃശ്ശൂര്‍: കേച്ചേരിയിൽ ഡി വൈ എഫ് ഐ നേതാവിനെ വെട്ടികൊലപ്പെടുത്താൻ ശ്രമിച്ചത് നാലുപേര്‍ ചേര്‍ന്നെന്ന് പൊലീസ്. സംഘത്തിലെ മൂന്നുപേരെ തിരിച്ചറിഞ്ഞു. പട്ടിക്കര സ്വദേശികളായ റബീഹ്, റിൻഷാദ്, റാഷിദ്, എന്നിവരാണ് മൂന്നുപേർ. നാലാമനെ തിരിച്ചറിഞ്ഞിട്ടില്ല. പ്രതികളെ വൈകാതെ പിടികൂടാനാകുമെന്ന് പൊലീസ് അറിയിച്ചു. ഇന്ന് പുലർച്ചെയാണ് ഡി വൈ എഫ് ഐ കുന്നംകുളം ഈസ്റ്റ് ബ്ലോക്ക് സെക്രട്ടറി കെ എ സൈഫുദീന് നേരെ ആക്രമണമുണ്ടായത്. ഗുരുതര പരിക്കേറ്റ സൈഫുദ്ദീൻ തൃശ്ശൂരിലെ സ്വകാര്യ മെഡിക്കൽ കോളേജിൽ തീവ്രപരിചരണ വിഭാഗത്തിൽ ചികിത്സയിലാണ്. ആക്രമണത്തിന് പിന്നിൽ എസ്‍ ഡി പി ഐ പ്രവർത്തകരെന്ന് സി പി എം ആരോപിച്ചിരുന്നു.