മുന്നാറിലെത്തുന്ന വിനോദ സഞ്ചാരികളെ ലക്ഷ്യമിട്ട് കഞ്ചാവ് വില്പ്പന; രണ്ട് യുവാക്കള് പിടിയില്
Synopsis
മൂന്നാറിലെ വിനോദസഞ്ചാരികളെ കേന്ദ്രീകരിച്ച് കഞ്ചാവ് വില്പ്പന നടത്തിയിരുന്ന സംഘമാണ് പിടിയിലായത്.
ഇടുക്കി: അടിമാലിയില് കഞ്ചാവുമായി മൂന്നാര് സ്വദേശികളായ രണ്ടു യുവാക്കളെ പിടികൂടി. മൂന്നാര് സെവന്മല എസ്റ്റേറ്റ് ന്യൂ മൂന്നാര് ഡി വിഷന് സ്വദേശി സേതുരാജ് മാട്ടുപ്പെട്ടി എസ്റ്റേറ്റ് ഗ്രഹാംസ് ലാന്റ് ന്യൂ ഡിവിഷന് സ്വദേശി സദ്ദാം ഹുസൈന് എന്നിവരെയാണ് രണ്ട് കിലോ കഞ്ചാവുമായി അമ്പഴച്ചാലില് നിന്നും അടിമാലി നാര്കോട്ടിക് എന്ഫോഴ്സ്മെന്റ് സ്ക്വാഡ് അറസ്റ്റ് ചെയ്തത്. മൂന്നാറിലെ വിനോദസഞ്ചാരികളെ കേന്ദ്രീകരിച്ച് കഞ്ചാവ് വില്പ്പന നടത്തിയിരുന്ന സംഘമാണ് പിടിയിലായത്.
അടിമാലി നാര്കോട്ടിക് എന്ഫോഴ്സ്മെന്റ് സ്ക്വാഡ് സര്ക്കിള് ഇന്സ്പെക്ടര് പി.ഇ ഷൈബുവിന് ലഭിച്ച രഹസ്യ വിവരത്തിന്റെ അടിസ്ഥാനത്തില് അടിമാലി അമ്പഴച്ചാലില് നടത്തിയ പരിശോധനയിലാണ് 2.072 കിലോഗ്രാം കഞ്ചാവുമായി യുവാക്കളെ പിടികൂടിയത്. കഞ്ചാവ് കടത്തുന്നതിന് പ്രതികള് ഉപയോഗിച്ച ബജാജ് ബൈക്കും പൊലീസ് കസ്റ്റഡിയിലെടുത്തു.
മൂന്നാറിലെ വിനോദസഞ്ചാരികളെ കേന്ദ്രീകരിച്ച് കഞ്ചാവ് വില്പ്പന നടത്തിയിരുന്നുവെന്ന് പിടിയിലായ സദ്ദാം ഹുസൈനും സേതുരാജും പൊലീസിന് മൊഴി നല്കി. പ്രിവന്റീവ് ഓഫീസര്മാരായ അനില് എം സി, അസ്സിസ് കെ എസ്, ഗ്രേഡ് പ്രിവന്റീവ് ഓഫീസര്മാരായ ദിലീപ് കെ.എന്, സുധീര് വി ആര്, സിവില് എക്സ്സൈസ് ഓഫീസര്മാരായ സിജുമോന് കെ എന്, അനൂപ് തോമസ് എന്നിവരടങ്ങിയ സംഘമാണ് പ്രതികളെ പിടികൂടിയത്. പ്രതികളെ അടിമാലി ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയില് ഹാജരാക്കി റിമാന്ഡ് ചെയ്തു.
Read More : പിക്കപ്പ് വാനില് ഒളിച്ചു കടത്തിയ 13 കിലോ കഞ്ചാവ് പിടികൂടി; 'മൊട്ട സുനി'യും കൂട്ടാളിയും അറസ്റ്റില്
പാലക്കാട് റെയില്വേ സ്റ്റേഷനില് 20 കിലോ കഞ്ചാവുമായി കോട്ടയം സ്വദേശി പിടിയില്
പാലക്കാട്: പാലക്കാട് റെയിൽവേ സ്റ്റേഷനില് കഞ്ചാവ് വേട്ട. 20 കിലോ കഞ്ചാവുമായി കോട്ടയം സ്വദേശിയെ ആര്പിഎഫും എക്സൈസും നടത്തിയ പരിശോധനില് പിടികൂടി. കോട്ടയം താഴത്തെങ്ങാടി നബീൽ മുഹമ്മദ്(25) ആണ് ആര്പിഎഫ് ക്രൈം ഇന്റലിജന്സും എകസൈസും സംയുക്തമായി പാലക്കാട് ജംഗ്ഷൻ റെയിൽവേ സ്റ്റേഷനിൽ നടത്തിയ പരിശോധനയില് പിടിയിലായത്.
വിശാഖപട്ടണത്തിൽ നിന്നും ട്രെയിൻ മാർഗം പാലക്കാട് എത്തിയ യുവാവ് കോട്ടയം ഭാഗത്തേയ്ക്ക് ബസിൽ പോകുന്നതിനായി സ്റ്റേഷനിൽ ഇറങ്ങി വരുമ്പോഴാണ് പിടിയിലായത്. എറണാകുളം - കോട്ടയം കേന്ദ്രികരിച്ചു ചെറുകിട കഞ്ചാവ് കച്ചവടക്കാർക്ക് കമ്മീഷൻ വ്യവസ്ഥയിൽ കഞ്ചാവ് എത്തിച്ചു കൊടുക്കുന്നവരിലെ പ്രാധാന കണ്ണിയാണ് പിടിയിലായ നബീലെന്ന് പൊലീസ് പറഞ്ഞു. ഇയാളില് നിന്നും പിടിച്ചെടുത്ത കഞ്ചാവിന് പൊതുവിപണിയിൽ 10 ലക്ഷത്തോളം രൂപ വിലവരും.
ഇന്ത്യയിലെയും ലോകമെമ്പാടുമുള്ള എല്ലാ Crime News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam