ബന്ധുവിനോടൊപ്പം വീട്ടിലേക്കുപോകുകയായിരുന്ന യുവതിയാണ് ബലാത്സംഗത്തിനിരയായത്. തടഞ്ഞുനിര്‍ത്തി ബന്ധുവിനെ മരത്തില്‍ കെട്ടിയിട്ട ശേഷമായിരുന്നു കൂട്ടബലാത്സംഗം.
ബാന്‍ഡ: ഉത്തര്‍പ്രദേശ് ചിത്രകൂട് ജില്ലയില്‍ യുവതിയെ ആറ് പേര്‍ കൂട്ടബലാത്സംഗം ചെയ്ത് വീഡിയോ ഇന്‍റര്‍നെറ്റില്‍ പ്രചരിപ്പിച്ചു. മോ പൊലീസ് സ്റ്റേഷന്‍ പരിധിയിലാണ് സംഭവം. തിങ്കളാഴ്ച സംഭവം നടന്നെങ്കിലും വീഡിയോ പ്രചരിച്ചതിന് ശേഷം, വെള്ളിയാഴ്ചയാണ് പൊലീസ് കേസെടുത്തതെന്ന് യുവതി ആരോപിച്ചു. ബന്ധുവിനോടൊപ്പം വീട്ടിലേക്കുപോകുകയായിരുന്ന യുവതിയാണ് ബലാത്സംഗത്തിനിരയായത്. തടഞ്ഞുനിര്‍ത്തി ബന്ധുവിനെ മരത്തില്‍ കെട്ടിയിട്ട ശേഷമായിരുന്നു കൂട്ടബലാത്സംഗം.
കുറ്റകൃത്യത്തിന്‍റെ ദൃശ്യങ്ങള്‍ പകര്‍ത്തി ഇന്‍റര്‍നെറ്റില്‍ പ്രചരിപ്പിച്ചു. സംഭവത്തിന് ശേഷം പരാതിയുമായി ഇതേ പൊലീസ് സ്റ്റേഷനെ സമീപിച്ചെങ്കിലും പൊലീസ് ഗൗരവമായെടുത്തില്ലെന്ന് യുവതി ആരോപിച്ചു. വീഡിയോ പ്രചരിച്ച ശേഷം എസ് പിയുടെ നിര്‍ദേശത്തെ തുടര്‍ന്നാണ് കേസെടുത്തത്.