നേമത്ത് ആര് യുഡിഎഫ് സ്ഥാനാർത്ഥിയായാലും എൽഡിഎഫ് ജയിക്കും; വി ശിവൻകുട്ടി

ഇക്കുറി സമുന്നതരായ നേതാക്കൾ മത്സരരം​ഗത്ത് വരുമ്പോഴെങ്കിലും വോട്ടുകച്ചവടം നടത്തരുത്. നേമത്ത് ആര് യുഡിഎഫ് സ്ഥാനാർത്ഥിയായാലും എൽഡിഎഫ് ജയിക്കുമെന്നും ശിവൻകുട്ടി പറഞ്ഞു.  

തിരുവനന്തപുരം: നേമത്ത് 2016ൽ എൽഡിഎഫ് പരാജയപ്പെടാൻ കാരണം യുഡിഎഫ്-ബിജെപി വോട്ട് കച്ചവടമെന്ന് ഇടതു സ്ഥാനാർത്ഥി വി ശിവൻകുട്ടി. ഇക്കുറി സമുന്നതരായ നേതാക്കൾ മത്സരരം​ഗത്ത് വരുമ്പോഴെങ്കിലും വോട്ടുകച്ചവടം നടത്തരുത്. നേമത്ത് ആര് യുഡിഎഫ് സ്ഥാനാർത്ഥിയായാലും എൽഡിഎഫ് ജയിക്കുമെന്നും ശിവൻകുട്ടി പറഞ്ഞു.

അതേസമയം, നേമത്തെ സ്ഥാനാർത്ഥി നിർണയം സംബന്ധിച്ച് തൽക്കാലം ചർച്ച വേണ്ടെന്ന നിലപാടിലേക്ക് കോൺ​ഗ്രസ് ഹൈക്കമാൻഡ് എത്തി. നേമത്ത് മികച്ച സ്ഥാനാർത്ഥി വേണമെന്നേ ഉള്ളുവെന്ന് ഹൈക്കമാൻഡ് വ്യക്തമാക്കി. ഇവിടെ ഉമ്മൻ ചാണ്ടി മത്സരിച്ചേക്കുമെന്ന് അഭ്യൂഹങ്ങളുയർന്നിരുന്നു. എന്നാൽ, നേമത്ത് ഉമ്മൻചാണ്ടി മത്സരിക്കേണ്ടെന്ന അഭിപ്രായമാണ് എ ​ഗ്രൂപ്പ് ഉയർത്തിയത്.