ഉത്തർപ്രദേശിലെ ബിജെപി എംഎൽഎ അവ്താർ സിം​ഗ് കോൺ​ഗ്രസിലേക്ക്

പ്രിയങ്ക ​ഗാന്ധിയുടെ സാന്നിദ്ധ്യത്തിലായിരുന്നു അവ്താർ സിം​ഗിന്റെ കോൺ​ഗ്രസ് പ്രവേശനം. പ്രിയങ്കയുടെ ലഖ്നൗവിലെ തെര‍ഞ്ഞെടുപ്പ് പ്രചാരണ റാലിയിലാണ് അവ്താർ സിം​ഗ് ഇക്കാര്യമറിയിച്ചത്.   

ലഖ്നൗ: ഉത്തർപ്രദേശിൽ മീറാപൂർ മണ്ഡലത്തിൽ നിന്നുള്ള ബിജെപി എംഎൽഎ അവ്താർ സിം​ഗ് കോൺ​ഗ്രസിൽ ചേർന്നു. കിഴക്കൻ ഉത്തർപ്രദേശിലെ എഐസിസി ജനറൽ സെക്രട്ടറിയായി സ്ഥാനമേറ്റ പ്രിയങ്ക ​ഗാന്ധിയുടെ സാന്നിദ്ധ്യത്തിലായിരുന്നു അവ്താർ സിം​ഗിന്റെ കോൺ​ഗ്രസ് പ്രവേശനം. പ്രിയങ്കയുടെ ലഖ്നൗവിലെ തെര‍ഞ്ഞെടുപ്പ് പ്രചാരണ റാലിയിലാണ് അവ്താർ സിം​ഗ് ഇക്കാര്യമറിയിച്ചത്. 

മഹാൻദൾ ഭൂരിപക്ഷമുള്ള ഒബിസി പാർട്ടിയെ മുന്നണിയിലെടുത്തതിന് ശേഷമുള്ള സംസ്ഥാനത്തെ ഏറ്റവും വലിയ വാർത്തയാണ് അവ്താർ സിം​ഗിന്റെ കോൺ​ഗ്രസിലേക്കുള്ള കടന്നുവരവ്. ഹരിയാനയിലെ ഫരീദാബാദിൽ നിന്നും മൂന്ന് തവണ എംപിയായി തെരഞ്ഞെടുക്കപ്പെട്ടിട്ടുള്ള വ്യക്തിയാണ് അവ്താർ സിം​ഗ്. ഉത്തർപ്രദേശിലെ മീററ്റിൽ നിന്നും ഒരു തവണ പാർലമെന്റിലെത്തി.