ലാലേട്ടാ..ലല ലാ ലാ ലാ..; ബി​ഗ് ബോസ് അനുമോളേ ചേർത്തണച്ച് മോഹൻലാൽ, ഫോട്ടോ വൈറൽ

ടെലിവിഷൻ താരവും ബിഗ് ബോസ് മലയാളം സീസൺ 7 വിജയിയുമായ അനുമോൾ, നടൻ മോഹൻലാലിനൊപ്പമുള്ള ചിത്രം പങ്കുവെച്ചു. ബിഗ് ബോസിന് ശേഷം ഇരുവരും ആദ്യമായി കണ്ടുമുട്ടുന്നതിന്റെ ഈ ചിത്രം വൈറലായിരിക്കുകയാണ്.

ടെലിവിഷൻ ഷോകളിലൂടെയും പരമ്പരകളിലൂടെയും എത്തി മലയാളികൾക്ക് സുപരിചിതയായി മാറിയ താരമാണ് അനുമോൾ. പിന്നീട് ബി​ഗ് ബോസ് മലയാളം സീസൺ 7ൽ മത്സരാർത്ഥിയായി എത്തിയതോടെ കേരളക്കരയ്ക്ക് മുഴുവനും അനുമോൾ സുപരിചിതയായി മാറി. പലതരം പ്രതിസന്ധികൾ വന്നിട്ടും 100 ദിവസം ഷോയിൽ അതിജീവിച്ച അനുമോൾ ആ സീസണിന്റെ വിന്നറായാണ് പുറത്തേക്ക് വന്നത്. ഷോയ്ക്ക് ശേഷം തന്റേതായ മേഖലയിലെ കാര്യങ്ങളുമായി മുന്നോട്ട് പോകുന്ന അനുമോൾ പങ്കുവച്ചൊരു പോസ്റ്റ് ഇപ്പോൾ സോഷ്യൽ മീഡിയയിൽ വൈറലായിരിക്കുകയാണ്.

നടൻ മോഹൻലാലിനൊപ്പമുള്ള ഫോട്ടോയാണ് അനുമോൾ പങ്കുവച്ചിരിക്കുന്നത്. ബി​ഗ് ബോസിന് ശേഷം ഇത് ആദ്യമായിട്ടാണ് മോഹൻലാലും അനുമോളും കണ്ടുമുട്ടുന്നത്. ആന്റണി പെരുമ്പാവൂരിന് ഒപ്പമുള്ള ഫോട്ടോയും അനുമോൾ പങ്കുവച്ചിട്ടുണ്ട്. മഞ്ജു വാര്യയുടെ മോഹൻലാൽ എന്ന ചിത്രത്തിലെ ലാലേട്ടാ..ലല ലാ ലാ ലാ.. എന്ന ​ഗാനവും പശ്ചാത്തലത്തിൽ അനുമോൾ ചേർത്തിട്ടുണ്ട്. ഇരുവരോടുമുള്ള സ്നേഹം പങ്കിട്ടുള്ള കമന്റുകളാണ് പോസ്റ്റിന് താഴെ വരുന്നത്.

അതേസമയം, ബി​ഗ് ബോസ് മലയാളം സീസൺ 8 വരാൻ പോവുകയാണ്. ഇതിനോട് അനുബന്ധിച്ചുള്ള ബി​ഗ് ബോസ് മലയാളം സീസൺ 8 അ​ഗ്നിപരീക്ഷ ഓ​ഗസ്റ്റ് 15ന് സംപ്രേഷണം ആരംഭിക്കും. ഇതിൽ കോമണർ മത്സരാർത്ഥികളാണ് മാറ്റുരയ്ക്കുന്നത്. 40 കോമണേഴ്സ് ഉണ്ടാവും. 21 എപ്പിസോഡുകളും അ​ഗ്നിപരീക്ഷയ്ക്ക് ഉണ്ടായിരിക്കും. ഇതിൽ നിന്നും തെരഞ്ഞെടുക്കുന്ന മൂന്നോ അതിലധികമോ മത്സരാർത്ഥികൾ ബി​ഗ് ബോസ് മലയാളം സീസൺ 8ൽ മത്സരിക്കും. ഇത്തരത്തിൽ തെരഞ്ഞെടുത്തിൽ പ്രധാന സീസണിൽ എത്തിയൊരു മത്സരാർത്ഥിയായിരുന്നു കഴിഞ്ഞ തവണ ബി​ഗ് ബോസ് വിജയി. സെപ്റ്റംബറിൽ ബി​ഗ് ബോസ് പ്രധാന സീസൺ ആരംഭിക്കും. അതേസമയം, കുക്ക് വിത്ത് കോമഡിയിൽ അനുമോൾ മത്സരാർത്ഥിയായി എത്തിയരുന്നു. ഫൈനലിസ്റ്റായ ശേഷമായിരുന്നു അനു ഷോയിൽ നിന്നും പുറത്തായത്.