എ കെ സാജന്റെ മകൻ വിവാഹിതനായി, ആശംസകളുമായി ചലച്ചിത്ര പ്രവര്‍ത്തകര്‍

ഇൻഫോസിസില്‍ ഉദ്യോഗസ്ഥനായ സച്ചിന്റെ വധു  അയന്നയാണ്.  

തിരക്കഥാകൃത്തും സംവിധായകനുമായ എ കെ സാജന്റെ മകൻ സച്ചിൻ വിവാഹിതനായി. അയന്നയാണ് വധു. അഷറഫ്- ഷീബ ദമ്പതിമാരുടെ മകളാണ് അയന്ന. കായംകുളം സ്വദേശിയാണ് അയന്ന.

വിവാഹ ചടങ്ങില്‍ ചലച്ചിത്ര രംഗത്തെ പ്രമുഖര്‍ എത്തിയിരുന്നു. ഷാജി കൈലാസ്, ജോജു ജോര്‍ജ്, സിദ്ദിഖ് തുടങ്ങിയവര്‍ നേരിട്ട് എത്തി വിവാഹ ആശംസകള്‍ നേര്‍ന്നു. സംവിധായകൻ മധുപാലും വിവാഹ ചടങ്ങില്‍ പങ്കെടുത്തു. ഇൻഫോസിസില്‍ ഉദ്യോഗസ്ഥനായി ജോലി ചെയ്‍തു വരികയാണ് സച്ചിൻ.

ബട്ടര്‍ഫ്ലൈസിലൂടെ സ്വതന്ത്ര തിരക്കഥാകൃത്ത് ആയ എഴുത്തുകാരനാണ് എ കെ സാജൻ.

പൃഥ്വിരാജ് നായകനായ സ്റ്റോപ്പ് വയലൻസ് ആണ് എ കെ സാജൻ ആദ്യമായി സംവിധാനം ചെയ്‍ത ചിത്രം.