അഭിഷേക് ബച്ചനും നിത്യാ മേനനും, 'ബ്രീത്ത്: ഇൻറ്റു ദ ഷാഡോസ് 2' സ്ട്രീമിംഗ് തിയ്യതി പ്രഖ്യാപിച്ചു
Synopsis
'ബ്രീത്ത്: ഇൻറ്റു ദ ഷാഡോസ് 2' റിലീസ് പ്രഖ്യാപിച്ചു.
ആമസോണ് പ്രൈം വീഡിയോയില് ശ്രദ്ധയാകര്ഷിച്ച ഇമോഷണല് ത്രില്ലര് സീരീസാണ് 'ബ്രീത്ത്: ഇൻറ്റു ദ ഷാഡോസ്'. അഭിഷേക് ബച്ചന് ഏറെ പ്രശംസ നേടിക്കൊടുത്ത സീരീസിന് രണ്ടാം ഭാഗം വരുന്നുവെന്ന വാര്ത്ത ആരാധകരെ ആവേശത്തിലാക്കിയിരുന്നു. ഇപ്പോഴിതാ രണ്ടാം പതിപ്പിന്റെ സ്ട്രീമിംഗ് തിയ്യതി പ്രഖ്യാപിച്ചിരിക്കുകയാണ്. മായങ്ക് ശര്മ്മയുടെ സംവിധാനത്തില് നിത്യ മേനനും പ്രധാന കഥാപാത്രത്തില് എത്തുന്ന സീരീസ് നവംബര് ഒമ്പത് മുതലാണ് സ്ട്രീം ചെയ്യുക.
അഭിഷേക് ബച്ചൻ നായകനായി ഏറ്റവും ഒടുവില് പ്രദര്ശനത്തിന് എത്തിയ ചിത്രം 'ദസ്വി'യായിരുന്നു. തുഷാര് ജലോട്ടയാണ് ചിത്രം സംവിധാനം ചെയ്തത്. കബിര് തേജ്പാലാണ് ചിത്രത്തിന്റെ ഛായാഗ്രഹണം നിര്വഹിച്ചത്. 'ഗംഗ റാം ചൗധരി' എന്ന കഥാപാത്രമായിട്ടാണ് അഭിഷേക് ബച്ചൻ അഭിനയിച്ചപ്പോള് ഐപിഎസ് ഓഫീസറായി 'ജ്യോതി ദേസ്വാളാ'യി യാമി ഗൗതമും എത്തി.
ഹരിയാന മുൻ മുഖ്യമന്ത്രി ഓം പ്രകാശ് ചൗതാലയുടെ ജീവിതത്തില് നിന്ന് പ്രചോദനം ഉള്ക്കൊണ്ടിട്ടുള്ളതാണ് 'ദസ്വി'. നിമ്രത് കൗര്, അരുണ് കുശ്വ, മനു റിഷി, ശിവാങ്കിത് സിംഗ് പരിഹാര്, സുമിത് റോയ്, അഭിമന്യു യാദവ്, അരുണ് കുശ്വ, ചിത്തരഞ്ജൻ ത്രിപാദി, ഡാനിഷ് ഹുസൈൻ, രോഹിത് തിവാരി, മുബാഷിര് ബഷീര്, ധൻവീര് സിംഗ്, സച്ചിൻ ഷ്രോഫ്, അദിതി വത്സ് തുടങ്ങിയവര് 'ദസ്വി'യെന്ന ചിത്രത്തില് അഭിനയിച്ചിരുന്നു. സച്ചിൻ- ജിഗാറാണ് ചിത്രത്തിന്റെ സംഗീത സംവിധാനം. നെറ്റ്ഫ്ലിക്സ്, ജിയോസിനിമ പ്ലാറ്റ്ഫോമിലൂടെ ഏപ്രില് ഏഴിനാണ് ചിത്രം സ്ട്രീം ചെയ്ത് തുടങ്ങിയത്.
അഭിഷേക് ബച്ചൻ നായകനായി 'ഘൂമെര്' എന്ന ചിത്രവും പ്രഖ്യാപിച്ചിരുന്നു. ആര് ബല്കിയാണ് ചിത്രം സംവിധാനം ചെയ്യുന്നത്. വിശാല് സിൻഹയാണ് ചിത്രത്തിന്റെ ഛായാഗ്രഹണം നിര്വഹിക്കുന്നത്. മഹാബലീശ്വര് ആണ് ചിത്രത്തിന്റെ പ്രധാന ലൊക്കേഷൻ.
Read More: 'ദസറ'യിലെ കീര്ത്തി സുരേഷിന്റെ ക്യാരക്ടര് പോസ്റ്റര് പുറത്ത്
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ