സ്‌ക്രിപ്റ്റിലുള്ളത് മാത്രമായി ചെയ്യേണ്ട, തോന്നുന്നത് ചെയ്യും എന്ന് അവര്‍ പറഞ്ഞു: രാജേഷ് ഹെബ്ബാർ

"കോശി ഉപ്പും മുളകിലേക്ക് എത്തിയെന്നായിരുന്നു തുടക്കത്തില്‍ എല്ലാവരും പറഞ്ഞത്. അവര്‍ക്കിഷ്ടപ്പെട്ട ക്യാരക്ടര്‍ അവരെന്നും ഓര്‍ത്തിരിക്കും, അതാണ് ടെലിവിഷന്‍ ഓഡിയന്‍സ്"

ടെലിവിഷന്‍ പ്രേക്ഷകര്‍ക്ക് പ്രിയങ്കരനാണ് രാജേഷ് ഹെബ്ബാര്‍. മിനിസ്‌ക്രീൻ പ്രേക്ഷകർക്ക് എക്കാലവും കോശിയായിരുന്ന രാജേഷ് ഹെബ്ബാർ സോഷ്യൽ മീഡിയയിലും സജീവമാണ്. സ്വന്തമായി യുട്യൂബ് ചാനലും കൊണ്ടുപോകുന്ന താരത്തിന്‍റെ വീഡിയോകളെല്ലാം പ്രേക്ഷകർ ഏറ്റെടുക്കാറുണ്ട്. ലൊക്കേഷൻ വിശേഷങ്ങളാണ് കൂടുതലായി താരം ഉൾപെടുത്താറുള്ളത്.

അടുത്തിടെയായിരുന്നു അദ്ദേഹം ഉപ്പും മുളകില്‍ അഭിനയിച്ച് തുടങ്ങിയത്. ആളുകൾ തന്നെ കുറച്ച് കാലം കൊണ്ട് ഏറ്റെടുത്തതിനെ കുറിച്ച് വാചാലനാവുകയാണ് രാജേഷ്. കേരളകൗമുദിക്ക് നല്‍കിയ അഭിമുഖത്തിലായിരുന്നു അദ്ദേഹം വിശേഷങ്ങള്‍ പങ്കുവെച്ചത്. നേരത്തെ ഞാന്‍ എല്ലാവര്‍ക്കും കോശിയായിരുന്നു. 

കോശി ഉപ്പും മുളകിലേക്ക് എത്തിയെന്നായിരുന്നു തുടക്കത്തില്‍ എല്ലാവരും പറഞ്ഞത്. അവര്‍ക്കിഷ്ടപ്പെട്ട ക്യാരക്ടര്‍ അവരെന്നും ഓര്‍ത്തിരിക്കും, അതാണ് ടെലിവിഷന്‍ ഓഡിയന്‍സ്. എന്റെ ആക്ടിംഗിന് ഫാമിലി നല്ല സപ്പോര്‍ട്ടീവാണ്. സ്വന്തം ബിസിനസുമായി തിരക്കിലാണ് ഭാര്യ.

ഡയറക്ടറാണ് എന്നെ ഉപ്പും മുളകിലേക്ക് വിളിച്ചത്. ഡേറ്റൊക്കെയുണ്ടോ എന്നായിരുന്നു ചോദിച്ചത്. സജിതയും ഞാനും പണ്ടേ ഫ്രണ്ട്‌സാണ്. എന്റെ ഭാര്യയായും മോളായുമൊക്കെ അഭിനയിച്ചിട്ടുണ്ട്. ദിയയെ ഞാന്‍ ഇവിടെ വെച്ചാണ് ആദ്യം കാണുന്നത്. എക്‌സ്ട്രീംലി ടാലന്റഡാണ്. ഇപ്പോള്‍ സിനിമയൊക്കെ ചെയ്യുന്നുണ്ട്.

എനിക്കൊരു മോനും രണ്ട് പെണ്‍കുട്ടികളുമാണ്. ഞങ്ങള്‍ ഫ്രണ്ട്‌സിനെപ്പോലെയാണ്. ഞാനും ഭാര്യയും ഫ്രണ്ട്‌സായിരുന്നു. പിന്നെ പ്രണയിച്ച് കല്യാണം കഴിച്ചു. ഞങ്ങളുടെ ലവ് സ്റ്റോറിയൊക്കെ പ്രേക്ഷകര്‍ക്ക് അറിയാവുന്നതാണ്. യൂട്യൂബ് ചാനലിന് ഇപ്പോള്‍ നല്ല റീച്ചുണ്ട്. ഉപ്പും മുളകിലുള്ളവരുടെ കൂടെയുള്ള വീഡിയോ വന്നപ്പോഴാണ് റീച്ച് കൂടിയത്. 

പ്ലാന്‍ഡല്ലാത്ത കാര്യങ്ങള്‍ ചെയ്യുമ്പോള്‍ അതിന് അനുസരിച്ച് ടീം കൂടെ നില്‍ക്കും. നിങ്ങള്‍ക്ക് തന്ന സ്‌ക്രിപറ്റിലുള്ളത് മാത്രമല്ല ആ സമയത്ത് തോന്നുന്ന കാര്യങ്ങള്‍ കൂടി ചെയ്‌തോളൂ. നല്ലതാണെങ്കില്‍ നമ്മള്‍ക്ക് എടുക്കാലോ എന്നാണ് സംവിധായകന്‍ പറയാറുള്ളത്. അത്രയും ഫ്രീഡം തരുന്നുണ്ട് എന്നും രാജേഷ് കൂട്ടിച്ചേർക്കുന്നു.

അവസാന വാരത്തിലേക്ക് ബിഗ്ബോസ് ഇനിയെന്ത് സംഭവിക്കും