പരിമിതികൾ എല്ലാം തന്നെ 'വെറും' പരിമിതകളാണെന്ന് കാണിച്ച സുധിയുടെ ജീവിതം; അജു വർഗ്ഗീസ്

ഒരു സാധാരണക്കാരന്റെ ജീവിതത്തിലെ ഉയര്‍ച്ച താഴ്ചകളെ സുധിയുടെ ജീവിതത്തിലൂടെ മികച്ച രീതിയിൽ ആവിഷ്കരിക്കാൻ ഈ ചിത്രത്തിന് സാധിച്ചു. 

രഞ്ജിത്ത് ശങ്കറിന്റെ സംവിധാനത്തിൽ ജയസൂര്യ നായകനായി എത്തിയ ചിത്രമായിരുന്നു 'സു സു സുധി വാത്മീകം'. ദേശീയ തലത്തിൽ പ്രത്യേക പരാമർശം നേടിക്കൊടുത്ത കഥാപാത്രമായിരുന്നു സുധി. നടി ശിവദയാണ് ചിത്രത്തിലെ നായികയായി എത്തിയത്. ഇപ്പോഴിതാ ചിത്രം പുറത്തിറങ്ങിയിട്ട് അഞ്ച് വർഷം പൂർത്തിയായിരിക്കുകയാണ്. ഈ സന്തോഷം പങ്കുവെച്ചിരിക്കുകയാണ് അജു വർഗ്ഗീസ്. 

'പരിമിതികൾ എല്ലാം തന്നെ "വെറും" പരിമിതകളാണെന്നു കാണിച്ച സുധിയുടെ ജീവിതത്തിനു ഇന്ന് 5 വയസ്' എന്ന് കുറിച്ചുകൊണ്ടാണ് അജു ഓർമ്മ പങ്കിട്ടത്. അജു വർഗ്ഗീസും ചിത്രത്തിൽ പ്രധാന കഥാപാത്രമായി ഉണ്ടായിരുന്നു. 

ഒരു സാധാരണക്കാരന്റെ ജീവിതത്തിലെ ഉയര്‍ച്ച താഴ്ചകളെ സുധിയുടെ ജീവിതത്തിലൂടെ മികച്ച രീതിയിൽ ആവിഷ്കരിക്കാൻ ഈ ചിത്രത്തിന് സാധിച്ചു. പ്രണയം, പരാജയം, ഭയം എല്ലാത്തിനെയും മറികടന്ന് ആത്മവിശ്വാസത്തിലൂടെ സുധി വിജയത്തിലെത്തുന്നുമുണ്ട്.