അനൂപ് മേനോൻ ചിത്രം പദ്‍മ ഒടിടിയില്‍

അനൂപ് മേനോൻ സംവിധാനം ചെയ്‍ത ചിത്രം 'പദ്‍മ' ഒടിടിയില്‍.

അനൂപ് മേനോൻ സംവിധാനം ചെയ്‍ത ചിത്രമാണ് 'പദ്‍മ'. അനൂപ് മേനോൻ നായകനായും സുരഭി ലക്ഷ്‍മി നായികയായിട്ടുമായിരുന്നു ചിത്രം പ്രദര്‍ശനത്തിന് എത്തിയത്. 'പദ്‍മ' എന്ന ചിത്രത്തിന് തിയറ്ററുകളില്‍ മോശമല്ലാത്ത പ്രതികരണം ലഭിച്ചിരുന്നു. അനൂപ് മേനോൻ ചിത്രം ഒടിടിയില്‍ പ്രദര്‍ശനത്തിന് എത്തിയിരിക്കുന്നുവെന്നതാണ് പുതിയ വാര്‍ത്ത.

ആമസോണ്‍ പ്രൈം വീഡിയോയിലാണ് 'പദ്‍മ' സ്‍ട്രീമിംഗ് തുടങ്ങിയിരിക്കുന്നത്. ശങ്കര്‍ രാമകൃഷ്‍ണന്‍, ശ്രുതി രജനീകാന്ത് തുടങ്ങിയ താരങ്ങളും ചിത്രത്തില്‍ മറ്റ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നു. മഹാദേവൻ തമ്പിയാണ് ചിത്രത്തിന്റെ ഛായാഗ്രാഹണം നിര്‍വഹിച്ചിരിക്കുന്നത്.  കഥ, തിരക്കഥ, സംഭാഷണം ഒരുക്കിയിരിക്കുന്നതും അനൂപ് മേനോന്‍ തന്നെയാണ്.

അനൂപ് മേനോൻ തന്നെയാണ് ചിത്രം നിര്‍മിച്ചതും. അനൂപ് മേനോൻ സ്റ്റോറീസിന്റെ ബാനറിലാണ് നിര്‍മാണം. പ്രൊജക്ട് ഡിസൈനർ ബാദുഷയാണ്.  എഡിറ്റിംഗ് സിയാൻ, കലാസംവിധാനം ദുന്‍ദു രഞ്‍ജീവ്, പ്രൊഡക്ഷന്‍ കണ്‍ട്രോളര്‍ അനില്‍ ജി, ഡിസൈൻ ആന്റണി സ്റ്റീഫന്‍, പിആർഒ പി ശിവപ്രസാദ് എന്നിവരാണ് മറ്റ് പ്രവര്‍ത്തകര്‍.

അനൂപ് മേനോൻ അഭിനയിച്ചതില്‍ ഏറ്റവും ഒടുവില്‍ പ്രദര്‍ശനത്തിന് എത്തിയ ചിത്രം 'വരാലാ'ണ്. അനൂപ് മേനോന്റെ തിരക്കഥയില്‍ കണ്ണൻ താമരക്കുളമാണ് ചിത്രം സംവിധാനം ചെയ്‍തിരിക്കുന്നത്. ഛായാഗ്രഹണം രവിചന്ദ്രൻ.  നന്ദു, സുരേഷ് കൃഷ്‍ണ, ഹരീഷ് പേരടി, രണ്‍ജി പണിക്കർ, സെന്തിൽ കൃഷ്‍ണ, ശങ്കർ രാമകൃഷ്‍ണൻ,  സായ്‍കുമാര്‍, മേഘനാഥൻ, ഇർഷാദ്, ശിവജി ഗുരുവായൂർ, ഇടവേള ബാബു, ഡ്രാക്കുള സുധീർ, മിഥുൻ, കൊല്ലം തുളസി, ദിനേശ് പ്രഭാകർ, ടിറ്റോ വിൽസൻ, മൻരാജ്, വിജയ് നെല്ലീസ്, മുഹമ്മദ് ഫൈസൽ, ജയകൃഷ്‍ണൻ, മാധുരി, പ്രിയങ്ക, ഗൗരി നന്ദ, മാല പാർവ്വതി എന്നിവര്‍ക്കൊപ്പം മുതിർന്ന പൊലീസുദ്യോഗസ്ഥനായ കെ ലാൽജിയും ചിത്രത്തില്‍ പ്രധാന കഥാപാത്രങ്ങളായി എത്തി.