റിലീസിനു മുന്നേ 36 കോടി ഒടിടി ഡീല്, വൻ പ്രതീക്ഷയുമായി അനുഷ്ക ഷെട്ടിയുടെ ഘാട്ടി
Synopsis
റിലീസ് മുന്നേ ലഭിച്ചത് 36 കോടി എന്നാണ് റിപ്പോര്ട്ട്.
അനുഷ്ക ഷെട്ടി നായികയായി വരാനിരിക്കുന്ന ചിത്രമാണ് ഘാട്ടി. ജൂലൈ 11നാണ് ചിത്രത്തിന്റെ റിലീസ്. ഒടിടി റൈറ്റ്സ് ആമസോണ് പ്രൈം വീഡിയോയാണ് നേടിയിരിക്കുന്നത്. 36 കോടിക്കാണ് ഡീല് എന്നാണ് സിനിമ ട്രേഡ് അനലിസ്റ്റുകള് റിപ്പോര്ട്ട് ചെയ്യുന്നത്.
അനുഷ്ക ഷെട്ടിയുടെ ഘാട്ടി പ്രതികാര കഥയാണ് പ്രമേയമാക്കുന്നത് എന്നാണ് ഒരു റിപ്പോര്ട്ട്. അനുഷ്ക ഷെട്ടി നായികയാകുന്ന ഘാട്ടിയുടെ ഫസ്റ്റ് ലുക്ക് പോസ്റ്റര് പുറത്തുവിട്ടതും ഹിറ്റായിട്ടുണ്ട്. അനുഷ്ക ഷെട്ടിയുടെ മികച്ച ഒരു കഥാപാത്രമായിരിക്കും ഘാട്ടിയിലേതെന്നാണ് പ്രതീക്ഷിക്കപ്പെടുന്നത് എന്നാണ് റിപ്പോര്ട്ട്. സംവിധായകൻ കൃഷ് ജഗര്ലമുഡിക്കൊപ്പം ഘാട്ടിയുടെ തിരക്കഥ എഴുത്തില് സായ് മാധവ് ബുറ, ചിന്ദാകിന്ദി ശ്രീനിവാസ റാവു എന്നിവരും പങ്കാളിയാകുന്നു എന്നാണ് റിപ്പോര്ട്ട്.
മിസ് ഷെട്ടി മിസ്റ്റര് പൊലിഷെട്ടി സിനിമയാണ് നടി അനുഷ്ക ഷെട്ടിയുടേതായി മുമ്പ് തിയറ്ററുകളില് എത്തിയതും ശ്രദ്ധയാകര്ഷിച്ചതും. മഹേഷ് ബാബു പിയാണ് ചിത്രം സംവിധാനം ചെയ്തിരിക്കുന്നത്. നവീൻ പൊലിഷെട്ടിയാണ് ചിത്രത്തിലെ നായകൻ. അനുഷ്ക ഷെട്ടി നായികയായി വേഷമിട്ട ചിത്രം 'മിസ് ഷെട്ടി മിസ്റ്റര് പൊലിഷെട്ടി' യുവി ക്രിയേഷൻസാണ് നിര്മിച്ചിരിക്കുന്നത്.
അനുഷ്ക ഷെട്ടി നായികയായ ഹിറ്റ് ചിത്രം മിസ് ഷെട്ടി മിസ്റ്റര് പൊലിഷെട്ടി ആഗോള ബോക്സ് ഓഫീസില് ആകെ 50 കോടി രൂപയിലധികം നേടിയിരുന്നു. ചിരിക്കും ഒരുപാട് പ്രാധാന്യം നല്കിയ ചിത്രത്തില് അനുഷ്ക ഷെട്ടി മികച്ച പ്രകടനം നടത്തിയിരുന്നുവെന്ന് മഹേഷ് ബാബുവും ചിരഞ്ജീവിയുമടക്കമുള്ളവര് പ്രശംസിച്ചിരുന്നു. അനുഷ്ക ഷെട്ടി നായികയായി എത്തിയ ചിത്രത്തിന്റെ ഛായാഗ്രാഹണം നിരവ് ഷായാണ് നിര്വഹിച്ചത്. മിസ് ഷെട്ടി മിസ്റ്റര് പൊലിഷെട്ടിയുടെ സംഗീതം രാധനും നിര്വഹിച്ചപ്പോള് ഗാനങ്ങളും ഹിറ്റായതാണ് വാര്ത്തകളില് നിന്ന് വ്യക്തമായത്.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക