ബജ്രംഗി ഭായ്‍ജാന് ഒമ്പത് വര്‍ഷങ്ങള്‍, വീഡിയോ പുറത്ത്, ആകെ നേടിയതിന്റെ കണക്കുകള്‍

ബജ്രംഗി ഭായ്‍ജാന്റെ ഒരു രസകരമായ വീഡിയോ പുറത്തുവിട്ടിരിക്കുകയാണ്.

സല്‍മാൻ ഖാൻ നായകനായി വന്ന ചിത്രമാണ് ബജ്രംഗി ഭായ്‍ജാൻ. ബജ്രംഗി ഭായ്‍ജാൻ റിലീസായിട്ട് ഒമ്പത് വര്‍ഷങ്ങള്‍ തികയുകയാണ്. വൻ വിജയമായ സല്‍മാൻ ചിത്രമായിരുന്നു ബജ്രംഗി ഭായ്‍ജാൻ. ബജ്രംഗി ഭായ്‍ജാന്റെ ഒരു മെയ്‍ക്കിംഗ് വീഡിയോ പുറത്തുവിട്ടിരിക്കുകയാണ് നിര്‍മാതാക്കള്‍.

സംവിധാനം കബിര്‍ ഖാനാണ്. കരീന കപൂറാണ് ബജ്രംഗി ഭായ്‍ജാൻ സിനിമയില്‍ നായികയായത്. ഛായാഗ്രാഹണം നിര്‍വഹിച്ചത് അസീം മിശ്രയാണ്. ബജ്രംഗി ഭായ്‍ജാൻ ഏകദേശം 90 കോടിയോളമാണ് ആകെ നേടിയത്. സല്‍മാൻ ഖാനാണ് നിര്‍മാതാക്കളില്‍ ഒരാളും. സംഗീതം പ്രീതമാണ് നിര്‍വഹിച്ചത്. ഹര്‍ഷാലി മല്‍ഹോത്രയും അദ്‍നാൻ സാമിയും ചിത്രത്തില്‍ ഉണ്ട്.

ടൈഗര്‍ 3യാണ് സല്‍മാൻ ഖാന്റേതായി ഒടുവില്‍ പ്രദര്‍ശനത്തിനെത്തിയത്. ടൈഗര്‍ 3 ഒരു ആക്ഷൻ ചിത്രമായിട്ടാണ് പ്രദര്‍ശനത്തിനെത്തിയത്. ചിത്രത്തിന് ഇന്ത്യൻ ബോക്സ് ഓഫീസ് കളക്ഷനില്‍ മികച്ച നേട്ടമുണ്ടാക്കാനായി എന്നായിരുന്നു റിപ്പോര്‍ട്ട്. ആഗോളതലത്തില്‍ ടൈഗര്‍ 3 454 കോടി രൂപ ആകെ നേടിയപ്പോള്‍ 39.5 കോടി ഇന്ത്യയില്‍ മാത്രം നേടി.

ടൈഗറിന് മികച്ച അഡ്വാന്‍സ് ബുക്കിംഗുമായിരുന്നു. സല്‍മാന്റെ ടൈഗര്‍ 3 ഒരു ദിവസം മുന്നേ യുഎഇയില്‍ റിലീസ് ചെയ്‍തിരുന്നു. അതിനാല്‍ നിരവധി പേര്‍ ചിത്രത്തെ കുറിച്ചുള്ള അഭിപ്രായങ്ങള്‍ ഇന്ത്യയിലെ റിലീസിനു മുന്നേ സാമൂഹ്യ മാധ്യമങ്ങളില്‍ പങ്കുവെച്ചത് മികച്ച ഒരു പരസ്യമായി. ഷാരൂഖ് ഖാന്റെ അതിഥി വേഷത്തിന്റെ ദൃശ്യങ്ങള്‍ ചോര്‍ന്നത് പ്രതിസന്ധിയിലാക്കുകയും ചെയ്‍തു. ചിത്രത്തിലെ സ്പോയിലറുകള്‍ ഒരിക്കലും വെളിപ്പെടുത്തരുതെന്ന് സല്‍മാൻ ഖാൻ സാമൂഹ്യ മാധ്യമത്തിലൂടെ അഭ്യര്‍ഥിക്കുകയും ചെയ്‍തിരുന്നു. ഹൃത്വിക് റോഷനും അതിഥി വേഷത്തിലുണ്ട്. റിലീസിന് മുന്നേയുള്ള ഹൈപ്പ് സല്‍മാന്റെ ചിത്രത്തിന് സ്വീകാര്യത നല്‍കി എന്നാണ് വ്യക്തമാകുന്നത്.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക