ബിഗ് ബോസ് താരം ഷിജുവിന്റെ സിനിമ, 'ഹിഡിംബ' വിസ്‍മയമെന്ന് പ്രേക്ഷകര്‍

ഷിജു വേഷമിട്ട ചിത്രം  'ഹിഡിംബ'യുടെ ആദ്യ പ്രതികരണങ്ങള്‍ പുറത്ത്.  

ബിഗ് ബോസ് മലയാളം സീസണ്‍ ഫൈവില്‍ ഷിജു ശക്തനായ ഒരു മത്സരാര്‍ഥിയായിരുന്നു. തെന്നിന്ത്യൻ ഭാഷകളിലെ നിരവധി ഹിറ്റ് ചിത്രങ്ങളില്‍ ഷിജു പ്രധാന വേഷത്തില്‍ എത്തിയതിനാല്‍ പ്രേക്ഷകര്‍ക്ക് നേരത്തെ പരിചിതനായിരുന്നു.. ഷിജു ഹിറ്റ് സീരിയിലും മികച്ച കഥാപാത്രങ്ങള്‍ ചെയ്‍തിട്ടുണ്ട്. ഷിജു വേഷമിട്ട പുതിയ തെലുങ്ക് ചിത്രം 'ഹിഡിംബ'യ്‍ക്ക് മികച്ച പ്രതികരണം ലഭിക്കുന്നുവെന്നാണ് ഇപ്പോഴത്തെ റിപ്പോര്‍ട്ട്.

'ഹിഡിംബ' എന്ന പുതിയ തെലുങ്ക് ചിത്രം ഇന്നാണ് പ്രദര്‍ശനത്തിന് എത്തിയത്. അനീല്‍ കണ്ണെഗാന്തി സംവിധാനം ചെയ്‍ത ചിത്രത്തില്‍ അശ്വിൻ ബാബു നായകനായി എത്തിയപ്പോള്‍ നന്ദിത ശ്വേതയായിരുന്നു നായികയായി വേഷമിട്ടത്. ബി രാജശേഖറാണ് ചിത്രത്തിന്റെ ഛായാഗ്രാഹണം. വികാസ് ബഡിസയാണ് സംഗീത സംവിധാനം.

വളരെ സാങ്കേതികപരമായി മികച്ച ക്രൈം ചിത്രമാണ് 'ഹിഡിംബ' എന്നാണ് സാമൂഹ്യ മാധ്യമങ്ങളിലെ അഭിപ്രായങ്ങള്‍. മികച്ച പശ്ചാത്തല സംഗീതമാണ് ചിത്രത്തിന്റേത്. ചിത്രത്തിന്റേത് മികച്ച വിഷ്വല്‍സും ആണ്. അശ്വിന്റെ മേയ്‍ക്കോവറും ചിത്രത്തിന്റെ ആകര്‍ഷണമാണ്. അനീല്‍ കണ്ണെഗാന്തിയുടെ ക്രാഫ്റ്റും പരാമര്‍ശിക്കപ്പെടേണ്ടതാണ്. കൊവിഡാനന്തര കാലത്തെ വളരെ മികച്ച ത്രില്ലര്‍ ചിത്രമാണ് ഇത്. വളരെ വ്യത്യസ്‍തമായ ഒരു പ്രമേയമാണ് ചിത്രത്തിന്റേത് എന്നും അഭിപ്രായങ്ങളുണ്ടാകുന്നു. 'ഹിഡിംബ' ഒരു എൻഗേജിംഗ് ത്രില്ലര്‍ ചിത്രം ആണെന്നാണ് പൊതുവേയുള്ള അഭിപ്രായങ്ങള്‍.

'ഇഷ്‍ടമാണ് നൂറുവട്ടം' എന്ന ചിത്രമാണ് ഷിജുവിനെ മലയാള പ്രേക്ഷകർക്ക് പ്രിയങ്കരനാക്കിയത്. ചിത്രത്തിലെ നായകൻ ആയിരുന്നു ഷിജു. പിന്നീട് 'കാലചക്രം', 'സിദ്ധാർത്ഥ', 'വാചാലം', 'പോളിടെക്നിക്', 'ഡോൾഫിൻ ബാർ', 'കസിൻസ്', 'പുള്ളിപ്പുലികളും ആട്ടിൻകുട്ടി'യും തുടങ്ങി ധാരാളം മലയാള സിനിമകളുടെ ഭാ​ഗമായി. 1996ൽ 'മഹാപ്രഭു' എന്ന തമിഴ് ചിത്രത്തിലെ വില്ലൻവേഷം കരിയറിൽ മികച്ച അവസരങ്ങളിലേക്ക് ഷിജു എ ആറിനെ എത്തിക്കുകയും ഒരിടവേള കഴിഞ്ഞ് സീരിയലിലും പ്രധാന വേഷങ്ങള്‍ തേടിയെത്തുകയും ചെയ്‍തു.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക