നായകന്‍ ധ്യാന്‍ ശ്രീനിവാസന്‍; 'ചീനാ ട്രോഫി' ഫസ്റ്റ് ലുക്ക്

ആൻഡ്രോയ്ഡ് കുഞ്ഞപ്പനിലെ നായിക കെന്‍റി സിര്‍ദോയും അഭിനയിക്കുന്നു

ധ്യാന്‍ ശ്രീനിവാസനെ നായകനാക്കി അനില്‍ ലാല്‍ സംവിധാനം ചെയ്യുന്ന ചീനാ ട്രോഫി എന്ന ചിത്രത്തിന്‍റെ ഫസ്റ്റ് ലുക്ക് പോസ്റ്റര്‍ പുറത്തെത്തി. പ്രസിഡന്‍ഷ്യല്‍ മൂവീസ് പ്രൈവറ്റ് ലിമിറ്റഡിന്റെ ബാനറില്‍ അനൂപ് മോഹൻ, ആഷ്ലിൻ മേരി ജോയ്, ലിജോ ഉലഹന്നാൻ എന്നിവര്‍ ചേര്‍ന്നാണ് ചിത്രത്തിന്‍റെ നിര്‍മ്മാണം. പ്രശസ്ത ഷെഫ് ആയ സുരേഷ് പിള്ള ഒരു കഥാപാത്രത്തെ അവതരിപ്പിക്കുന്നു എന്ന പ്രത്യേകതയും ഈ ചിത്രത്തിനുണ്ട്. ഏറെ രസകരമായൊരു കോമഡി എന്റര്‍ടെയ്‍നര്‍ ആയിരിക്കും ചിത്രം എന്ന സൂചനയാണ് ഫസ്റ്റ് ലുക്ക്‌ പോസ്റ്റര്‍ നല്‍കുന്നത്.

ധ്യാന്‍ ശ്രീനിവാസനെക്കൂടാതെ ആൻഡ്രോയ്ഡ് കുഞ്ഞപ്പനിലെ നായിക കെന്റി സിര്‍ദോ, ജാഫര്‍ ഇടുക്കി, സുധീഷ്, കെപിഎസി ലീല, ദേവിക രമേഷ്, പൊന്നമ്മ ബാബു, സുനില്‍ ബാബു, ജോണി ആന്റണി, ജോര്‍ഡി പൂഞ്ഞാര്‍, നാരായണന്‍ കുട്ടി തുടങ്ങിയ താരങ്ങളും ചിത്രത്തില്‍ അണിനിരക്കുന്നുണ്ട്.

ചീനാ ട്രോഫിയുടെ ഛായാഗ്രാഹകൻ സന്തോഷ് ആനിമയും എഡിറ്റര്‍ രഞ്ജൻ എബ്രഹാമുമാണ്. പ്രോജക്ട് ഡിസൈൻ ബാദുഷ എൻ എം, സംഗീതം സൂരജ് സന്തോഷ്, വർക്കി, പശ്ചാത്തലസംഗീതം വർക്കി, ചീഫ് അസോസിയേറ്റ് ഡയറക്ടർ ഉമേഷ്‌ എസ് നായർ, കല അസീസ് കരുവാരക്കുണ്ട്, സൗണ്ട് ഡിസൈൻ അരുൺ രാമവർമ്മ, മേക്കപ്പ് അമൽ, സജിത്ത് വിതുര, കോസ്റ്റ്യൂംസ് ശരണ്യ, ഡിഐ പൊയറ്റിക് പ്രിസം & പിക്സൽ, കളറിസ്റ്റ് ശ്രീക് വാരിയർ, ഫൈനല്‍ മിക്സ് നാക്ക് സ്റ്റുഡിയോ ചെന്നൈ, മിക്സ് എൻജിനീയർ ടി ഉദയകുമാർ, പ്രൊഡക്ഷൻ കൺട്രോളർ സനൂപ്, പിആര്‍ഒ ആതിര ദിൽജിത്ത്, വാഴൂർ ജോസ്.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക്ക് ചെയ്യുക