Keshu Ee Veedinte Nadhan: വ്യത്യസ്ത ലുക്കിൽ ദിലീപ്, ഒപ്പം ഉർവശിയും; 'കേശു ഈ വീടിന്റെ നാഥൻ' മോഷൻ പോസ്റ്റർ
Synopsis
ദിലീപ് ചിത്രത്തിന്റെ മോഷന് പോസ്റ്റര് പുറത്ത്.
നടൻ ദിലീപിനെ(Dileep) കേന്ദ്ര കഥാപാത്രമാക്കി നാദിർഷ ഒരുക്കുന്ന ചിത്രമാണ് 'കേശു ഈ വീടിന്റെ നാഥൻ'( Keshu Ee Veedinte Nadhan). ചിത്രവുമായി ബന്ധപ്പെട്ട് വരുന്ന വാർത്തകൾക്ക് വൻ സ്വീകാര്യതയാണ് പ്രേക്ഷകരുടെ ഭാഗത്തു നിന്നും ലഭിക്കുന്നത്. ഇപ്പോഴിതാ ചിത്രത്തിന്റെ മോഷൻ പോസ്റ്റർ പുറത്തുവിട്ടിരിക്കുകയാണ് അണിയ പ്രവർത്തകർ. ചിത്രം ഒ.ടി.ടി റിലീസ് ആയിരിക്കുമെന്ന് നേരത്തെ തന്നെ നാദിര്ഷ വ്യക്തമാക്കിയിരുന്നു.
ബസിൽ യാത്ര ചെയ്യുന്ന തരത്തിലാണ് മോഷൻ പോസ്റ്റർ തയ്യാറാക്കിയിരിക്കുന്നത്. ഉർവശിയെയും ദിലീപിനെയും മറ്റ് താരങ്ങളെയും പോസ്റ്ററിൽ കാണാനാകും. പിന്നാലെ നിരവധി പേരാണ് ചിത്രത്തിന് ആശംസയുമായി രംഗത്തെത്തുന്നത്.
അമർ അക്ബർ അന്തോണി, കട്ടപ്പനയിലെ ഹൃതിക് റോഷൻ, മേരാ നാം ഷാജി തുടങ്ങിയ ചിത്രങ്ങൾക്കു ശേഷം നാദിർഷ ഒരുക്കുന്ന ചിത്രം കൂടിയാണിത്. സുഗീതിന്റെ സംവിധാനത്തിലെത്തിയ 'മൈ സാന്റ'യാണ് തൊട്ടുമുന്പെത്തിയ ദിലീപ് ചിത്രം. അതേസമയം നാദിര്ഷ സംവിധാനം ചെയ്യുന്ന ചിത്രത്തിന് തിരക്കഥയൊരുക്കുന്നത് സജീവ് പാഴൂര് ആണ്. അനുശ്രീയാണ് നായിക. കലാഭവന് ഷാജോണ്, സലിം കുമാര്, ഹരീഷ് കണാരന്, സ്വാസിക, പൊന്നമ്മ ബാബു, ഹരിശ്രീ അശോകന് തുടങ്ങി വലിയ താരനിരയും അണിനിരക്കുന്നുണ്ട് ഈ ചിത്രത്തില്.