'സൂപ്പര് ആവേശം', വിഡാമുയര്ച്ചിയെ പ്രശംസിച്ച് സംവിധായകൻ കാര്ത്തിക് സുബ്ബരാജ്
Synopsis
അജിത്തിന്റെ വിഡാമുയര്ച്ചിയുടെ ട്രെയിലറിനെ പ്രശംസിച്ച് സംവിധായകൻ കാര്ത്തിക് സുബ്ബരാജ്.
അജിത്ത് കുമാര് നായകനായി വരാനിരിക്കുന്ന ചിത്രമാണ് വിഡാമുയര്ച്ചി. വിഡാമുയര്ച്ചിയുടെ സെൻസറിംഗ് നേരത്തെ പൂര്ത്തിയായിരുന്നു. ഫെബ്രുവരി ഏഴിനാണ് ചിത്രത്തിന്റെ റിലീസ്. അജിത്തിന്റെ വിഡാമുയര്ച്ചിയുടെ ട്രെയിലറെ പ്രശംസിച്ചിരിക്കുകയാണ് സംവിധായകൻ കാര്ത്തിക് സുബ്ബരാജ്.
ഇങ്ങനെയൊരു ത്രില്ലറില് അജിത്തിനെ കാണുന്നതില് താൻ ആവേശഭരിതനാണെന്നും അഭിപ്രായപ്പെടുന്നു കാര്ത്തിക് സുബ്ബരാജ്. അജിത്തിന്റെ വിഡാമുയര്ച്ചി പ്രഖ്യാപിച്ചിട്ട് ഒരു വര്ഷത്തിലധികം ആയി. അസെര്ബെയ്ജാനില് വിഡാമുയര്ച്ചി സിനിമയുടെ ചിത്രീകരണ വാര്ത്തകള് നിരന്തരം ചര്ച്ചയായി. എന്നാല് പലപ്പോഴും ചിത്രീകരണം തടസ്സപ്പെട്ടു. ചിത്രീകരണത്തിനിടെ വിഡാ മുയര്ച്ചിയുടെ ഒരാള് മരിക്കുകയും ചെയ്തു. കലാസംവിധായകൻ മിലനാണ് ഹൃദയാഘാതത്താല് മരിച്ചത്. പരുക്കേറ്റ അജിത്ത് ഇന്ത്യയിലേക്ക് തിരിച്ചു വരികയും ചെയ്തു. ഒടുവില് ആരോഗ്യം ഭേദമായി വീണ്ടും സിനിമയുടെ ചിത്രീകരണത്തില് പങ്കെടുക്കുകയായിരുന്നു. ഒടുവില് അജിത്തിന്റെ വിഡാമുയര്ച്ചി എന്ന സിനിമ റിലീസിന് ഒരുങ്ങിയിരിക്കുകയാണ്.
അജിത്ത് നായകനായി വേഷമിട്ടതില് തുനിവാണ് ഒടുവില് പ്രദര്ശനത്തിനെത്തിയത്. മികച്ച വിജയമായി മാറിയിരുന്നു അജിത്ത് ചിത്രം തുനിവ് എന്നാണ് റിപ്പോര്ട്ടുകള് വ്യക്തമാക്കിയത്. സംവിധാനം എച്ച് വിനോദായിരുന്നു നിര്വഹിച്ചത്. ബാങ്ക് കൊള്ളയടിക്കുന്നതുമായി ബന്ധപ്പെട്ടായിരുന്നു അജിത്ത് ചിത്രത്തിന്റെ പ്രധാന പ്രമേയം.
ഹിറ്റ്മേക്കര് അറ്റ്ലിയുടെ ഒരു തമിഴ് ചിത്രത്തില് അജിത്ത് നായകനാകും എന്ന് റിപ്പോര്ട്ടുണ്ട്. സുധ കൊങ്ങര പ്രസാദ് സംവിധാനത്തിലുള്ള ചിത്രത്തിലും അജിത്ത് നായകനായേക്കുമെന്നും ഒരു റിപ്പോര്ട്ടുണ്ട്. സംവിധായകൻ ശ്രീ ഗണേഷ് അജിത്തുമായി സിനിമ സംബന്ധിച്ച് ചര്ച്ചകളിലാണെന്ന റിപ്പോര്ട്ടുകള് ആരാധകര്ക്കിടയില് പ്രചരിക്കുന്നുണ്ട്. ശ്രീ ഗണേഷ് 'കുരുതി ആട്ട'ത്തിന്റെ സംവിധായകൻ എന്ന നിലയില് ശ്രദ്ധയാകര്ഷിച്ചതാണ്. സംവിധായകനായി ശ്രീ ഗണേഷിന്റെ ആദ്യത്തെ ചിത്രം 'തോട്ടക്കള്' ആണ്. സംവിധായകൻ ശ്രീ ഗണേഷിന്റെ രണ്ടാമത്തെ ചിത്രം അടുത്തിടെ പുറത്തിറങ്ങിയ 'കുരുതി ആട്ടം' ആണ്. തമിഴകത്തിന്റെ അഥര്വ നായകനായി എത്തിയ ചിത്രത്തില് നിരവധി അജിത്ത് റെഫറൻസുകളുള്ളതിനാലാണ് അത്തരം വാര്ത്ത പ്രചരിക്കുന്നത്.
Read More: വിദേശത്ത് മെച്ചമുണ്ടോ?, ഗെയിം ചേഞ്ചറുടെ കളക്ഷൻ കണക്കുകള്
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക