Ajai Vasudev about Mammootty : നാലാമത്തെ ചിത്രം പാക്കപ്പാകുമ്പോൾ ഏറ്റവും കടപ്പാട് മമ്മൂക്കയോട്: അജയ് വാസുദേവ്
Synopsis
മമ്മൂട്ടിയെ നായകനാക്കി 2014 ല് രാജാധിരാജയിലൂടെയാണ് അജയ് വാസുദേവ് ആദ്യമായി സംവിധാനരംഗത്തേക്ക് വരുന്നത്.
കുഞ്ചാക്കോ ബോബനെ (Kunchacko Boban) നായകനാക്കി അജയ് വാസുദേവ് (Ajai Vasudev) സംവിധാനം ചെയ്യുന്ന ചിത്രമാണ്'പകലും പാതിരാവും' (Pakalum Paathiravum). ശ്രീ ഗോകുലം മൂവീസിന്റെ ബാനറില് ഗോകുലം ഗോപാലന് നിര്മ്മിക്കുന്ന ചിത്രത്തില് രജിഷ വിജയന് ആണ് നായിക. ഇന്ന് ചിത്രത്തിന്റെ ഷൂട്ടിംഗ് പൂർത്തി ആയിരുന്നു. ഈ അവസരത്തിൽ അജയ് പങ്കുവച്ച കുറിപ്പാണ് ശ്രദ്ധനേടുന്നത്.
മമ്മൂട്ടിയുടെ രാജാധിരാജയിലൂടെയാണ് അജയ് വാസുദേവ് സംവിധാന രംഗത്തേക്ക് വരുന്നത്. അദ്ദേഹത്തിന്റെ നാലാമത്തെ ചിത്രമാണ് 'പകലും പാതിരാവും'. ഈ ചിത്രത്തിന് പാക്കപ്പ് പറയുമ്പോള് ഏറ്റവുമധികം കടപ്പാടുള്ളത് മമ്മൂട്ടിയോടാണെന്ന് പറയുകയാണ് അജയ് വാസുദേവന്.
‘മെഗാ സ്റ്റാര് മമ്മൂക്കയെ നായകനാക്കി രാജാധിരാജ എന്ന സിനിമയിലൂടെ സ്വതന്ത്ര സംവിധായകനാകാന് ദൈവഭാഗ്യം ഉണ്ടായ ആളാണ് ഞാന്. പിന്നീട് അദ്ദേഹത്തിന്റെ തന്നെ മാസ്റ്റര്പീസും ഷൈലോക്കും സംവിധാനം ചെയ്യാനുള്ള ഭാഗ്യം എനിക്ക് ഉണ്ടായിഇന്നലെ എന്റെ നാലാമത്തെ സിനിമ ‘പകലും പാതിരാവും’ പാക്കപ്പ് ആയി നില്ക്കുമ്പോള് എനിക്ക് ഏറ്റവും കടപ്പാട് മമ്മൂക്കയോട് തന്നെ ആണ്. ഉദയേട്ടന്, സിബി ചേട്ടന്, എന്റെ മമ്മൂക്ക എന്നെ കൈ പിടിച്ചു കയറ്റിയതിനു. കൂടെ നിര്ത്തിയതിന്. എന്റെ ശേഖരന്കുട്ടിയായും, എഡ്വേര്ഡ് ലിവിങ്സ്റ്റണ് ആയും, ബോസ്സ് ആയും പകര്ന്നാടിയതിനു,’ എന്ന് അജയ് വാസുദേവ് കുറിച്ചു.
മനോജ് കെ യു, സീത, തമിഴ് എന്നിവര്ക്കൊപ്പം ഗോകുലം ഗോപാലനും ഒരു ശ്രദ്ധേയ കഥാപാത്രത്തെ അവതരിപ്പിക്കുന്നുണ്ട്. വാഗമണ് ആയിരുന്നു ചിത്രത്തിന്റെ പ്രധാന ലൊക്കേഷന്. നിഷാദ് കോയ രചന നിര്വ്വഹിച്ചിരിക്കുന്ന ചിത്രത്തിന്റെ ഛായാഗ്രഹണം ഫായിസ് സിദ്ദിഖ് ആണ്. എഡിറ്റിംഗ് റിയാസ് കെ ബദര്, സംഗീതം സ്റ്റീഫന് ദേവസ്സി, വരികള് സേജ്ഷ് ഹരി, ചീഫ് അസോസിയേറ്റ് ഡയറക്ടര് മനേഷ് ബാലകൃഷ്ണന്, പശ്ചാത്തലസംഗീതം കേദാര്, ആക്ഷന് ഡയറക്ടര് പ്രഭു, മേക്കപ്പ് ജയന് പൂങ്കുന്നം, വസ്ത്രാലങ്കാരം അയേഷ സഫീര് സേഠ്, സൗണ്ട് മിക്സിംഗ് അജിത്ത് എ ജോര്ജ്, നൃത്തസംവിധാനം കലാ മാസ്റ്റര്, സ്റ്റില്സ് പ്രേംലാല് പട്ടാഴി, പ്രോജക്റ്റ് ഡിസൈനര് ബാദുഷ എന് എം, പ്രൊഡക്ഷന് ഡിസൈനര് ജോസഫ് നെല്ലിക്കല്, പ്രൊഡക്ഷന് കണ്ട്രോളര് സുരേഷ് മിത്രകരി.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ