കൊടും ക്രിമിനലിനെ കീഴടക്കാൻ ജയം രവിയും നരേനും, ഒപ്പം നയൻതാരയും; 'ഇരൈവൻ' ട്രെയിലർ

ചിത്രം സെപ്റ്റംബർ 28ന് തിയറ്ററിൽ എത്തും. 

ജയം രവി നായകനായി എത്തുന്ന 'ഇരൈവൻ'എന്ന ചിത്രത്തിന്റെ ട്രെയിലർ റിലീസ് ചെയ്തു. സൈക്കോളജിക്കൽ ക്രൈം ത്രില്ലർ ആണ് ചിത്രമെന്നാണ് സൂചന. കൊടും ക്രിമിനലിനെ കീഴടക്കാൻ ശ്രമിക്കുന്ന ജയം രവിയെയും നരേനയേയും ട്രെയിലറിൽ കാണാം. നയൻതാര ആണ് നായികയായി എത്തുന്നത്. ചിത്രം സെപ്റ്റംബർ 28ന് തിയറ്ററിൽ എത്തും. 

ഐ അഹമ്മദ് സംവിധാനം ചെയ്യുന്ന സിനിമയാണ് ഐ അഹമ്മദ്.  ഹരി കെ വേദാന്ദാണ് ചിത്രത്തിന്റെ ഛായാഗ്രാഹണം നിര്‍വഹിക്കുന്നത്. അഹമ്മദ് തന്നെയാണ് ചിത്രത്തിന്‍റെ തിരക്കഥ എഴുതിയിരിക്കുന്നതും. സംഗീതം: യുവൻ ശങ്കർ രാജ, ഛായാഗ്രഹണം സംവിധായകൻ: ഹരി.കെ.വേദാന്ത്, എഡിറ്റർ : ജെ വി മണികണ്ഠ ബാലാജി, പ്രൊഡക്ഷൻ ഡിസൈനർ: ജാക്കി, എക്‌സിക്യൂട്ടീവ് പ്രൊഡ്യൂസർ: അരുണാചലം, ആക്ഷൻ : ഡോൺ അശോക്, സംഭാഷണങ്ങൾ: സച്ചിൻ, കാർത്തികേയൻ സേതുരാജ്, വേഷവിധാനം: അനു വർദ്ധൻ (നയൻതാര)പ്രിയ കരൺ & പ്രിയ ഹരി, പബ്ലിസിറ്റി ഡിസൈൻ: ഗോപി പ്രസന്ന, പ്രോ : സുരേഷ് ചന്ദ്ര & രേഖ ഡി വൺ, ഓഡിയോ ഓൺ: ജംഗിൾ മ്യൂസിക് എന്നിവരാണ് ചിത്രത്തിന്റെ മറ്റ് അണിയറ പ്രവർത്തകർ.

 'സൈറണ്‍' എന്ന ചിത്രമാണ് ജയം രവിയുടേതായി അണിയറയില്‍ ഒരുങ്ങുന്നൊരു സിനിമ. കീര്‍ത്തി സുരേഷ് ആണ് ചിത്രത്തില്‍ നായികയാകുന്നത്. ആന്റണി ഭാഗ്യരാജാണ് ചിത്രം സംവിധാനം ചെയ്യുന്നത്. സുജാത വിജയകുമാര് ആണ് ചിത്രം നിര്‍മിക്കുന്നത്. ജി വി പ്രകാശ് കുമാറാണ് സംഗീത സംവിധാനം, സെല്‍വകുമാര്‍ എസ് കെ ഛായാഗ്രാഹണം, പ്രൊഡക്ഷൻ ഡിസൈൻ കെ കതിര്‍, ആര്‍ട് ഡയറക്ടര്‍ ശക്തി വെങ്കട്‍രാജ് എം, കൊറിയോഗ്രാഫര്‍ ബ്രിന്ദ, പബ്ലിസിറ്റി ഡിസൈനര് യുവരാജ് ഗണേശൻ, പ്രൊഡക്ഷൻ മാനേജര്‍ അസ്‍കര്‍ അലി എന്നിവരാണ് മറ്റ് പ്രവര്‍ത്തകര്‍.