'ദേവര'യുടെ വിഎഫ്ക്സിനായി മാത്രം 150 കോടി, ഹിറ്റുറപ്പിക്കാൻ ജൂനിയര് എൻടിആര്
Synopsis
ജൂനിയര് എൻടിആര് നായകനാകുന്ന പുതിയ ചിത്രം വൻ ക്യാൻവാസിലാണ് ഒരുങ്ങുന്നത്.
ജൂനിയര് എൻടിആര് നായകനാകുന്ന പുതിയ ചിത്രമാണ് 'ദേവര'. കൊരടാല ശിവയാണ് ചിത്രത്തിന്റെ സംവിധാനം. ജാൻവി കപൂര് ചിത്രത്തില് നായികയാകുന്നു. ചിത്രത്തിന്റെ വിഎഫ്ക്സിനെ കുറിച്ചുള്ള ഒരു വാര്ത്തയാണ് ഇപ്പോള് ആരാധകരെ ആവേശത്തിലാക്കുന്നത്.
വിഎഫ്എക്സ് ബജറ്റ് മാത്രം 150 കോടി ആണെന്ന് ട്രേഡ് അനലിസ്റ്റ് മനോബാല വിജയബാലൻ സാമൂഹ്യ മാധ്യമത്തിലൂടെ അറിയിക്കുന്നു. ആക്ഷനും പ്രാധാന്യം നല്കിയിട്ടുള്ള മാസ് ചിത്രം ആയിരിക്കും ദേവര. രത്നവേലു ആണ് ഛായാഗ്രാഹണം നിര്വഹിക്കുന്നത്. സാബു സിറിലാണ് പ്രൊഡക്ഷൻ ഡിസൈൻ.
അനിരുദ്ധി രവിചന്ദറാണ് ചിത്രത്തിന്റെ സംഗീതം. റെക്കോര്ഡ് പ്രതിഫലമായിരിക്കും ജാൻവി കപൂര് ചിത്രത്തിനായി വാങ്ങിക്കുക എന്നാണ് റിപ്പോര്ട്ട്. സെയ്ഫ് അലി ഖാനാണ് വില്ലനായി ചിത്രത്തില് എത്തുക. പ്രകാശ് രാജ്, മേക ശ്രീകാന്ത്, ഷൈൻ ടോം ചാക്കോ എന്നിവരും 'ദേവര'യില് വേഷമിടുന്നു.
കരുത്തുറ്റ കഥകളാല് വെള്ളിത്തിരയില് വിസ്മയം തീര്ക്കുന്ന തമിഴ് സംവിധായകൻ വെട്രിമാരനുമായി ജൂനിയര് എൻടിആര് കൈകോര്ക്കുന്നുവെന്നും റിപ്പോര്ട്ട് വന്നിരുന്നു. വെട്രിമാരൻ സംവിധാനം ചെയ്യുന്ന ചിത്രത്തിന് ജൂനിയര് എൻടിആര് സമ്മതം മൂളി എന്നാണ് റിപ്പോര്ട്ടുകള്. ഇക്കാര്യത്തില് ജൂനിയര് എൻടിആര് ഔദ്യോഗിക സ്ഥിരീകരണം നല്കിയിട്ടില്ല. എന്തായാലും കൊരടാല ശിവ, പ്രശാന്ത് നീല് എന്നിവരുടെ ചിത്രങ്ങള്ക്കൊപ്പം വെട്രിമാരന്റെ സംവിധാനത്തിലും ഒരു പാൻ ഇന്ത്യൻ സിനിമയില് ജൂനിയര് എൻടിആര് അഭിനയിച്ചേക്കുമെന്ന വാര്ത്ത ആരാധകര് ഏറ്റെടുത്തിട്ടുണ്ട്. ജൂനിയര് എൻടിആറും പ്രശാന്ത് നീലും ഒന്നിക്കുന്നുവെന്ന പ്രഖ്യാപനവും വൻ വാര്ത്തയായി. ഒരു പാൻ ഇന്ത്യൻ ചിത്രമാണ് ജൂനിയര് എൻടിആറിനെ നായകനാക്കി പ്രശാന്ത് നീല് ഒരുക്കുക. ചിത്രത്തിന്റെ പ്രമേയം എന്തായിരിക്കും എന്ന് പുറത്തുവിട്ടിട്ടില്ല. മൈത്രി മൂവി മേക്കേഴ്സും എൻടിആര് ആര്ട്സും ചേര്ന്നാണ് ചിത്രം.
Read More: മാസാകാൻ ശിവണ്ണ, പാൻ ഇന്ത്യൻ ചിത്രം 'ഗോസ്റ്റ്' റിലീസിന് തയ്യാറായി
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക