ചാക്കോച്ചൻ ചലഞ്ച് മൂന്നാം ദിനം, 'ഭൂതകാലത്തിന്റെ മധുരസ്‍മരണകൾ തിരികെ കൊണ്ടുവരൂ'

കുഞ്ചാക്കോ ബോബന്റെ കൊവിഡ് ചലഞ്ച് ഇതാ.

ലോക്ക് ഡൗണ്‍ കാലത്തെ നിരാശയില്‍ നിന്ന് മറികടക്കാൻ ഓരോ ദിവസവും ഓരോ ചലഞ്ചുമായി എത്തുമെന്ന് നടൻ കുഞ്ചാക്കോ ബോബൻ അറിയിച്ചിരുന്നു. പഴയ ചങ്ങാതിമാരോട് സംസാരിച്ച് ഓര്‍മകള്‍ പങ്കുവയ്ക്കാനാണ് കുഞ്ചാക്കോ ബോബൻ ഇന്ന് ആവശ്യപ്പെടുന്നത്. നിങ്ങളുടെ പഴയ സുഹൃത്തുക്കളുമായി ഫോണില്‍ ബന്ധപ്പെടുന്നത് ഭൂതകാലത്തിന്റെ മധുരസ്‍മരണകൾ തിരികെ കൊണ്ടുവരുന്നതാണ്. പഴയ ചങ്ങാതിയുമായി സംസാരിച്ച കാര്യം കമന്റായി പറയാനും കുഞ്ചാക്കോ ബോബൻ ആവശ്യപ്പെടുന്നു.

കുഞ്ചാക്കോ ബോബന്റെ ഫേസ്‍ബുക്ക് പോസ്റ്റ്

സമയം പുഴ പോലെ മുന്നിലേക്ക് ഒഴുകുമ്പോൾ നമ്മുടെ ഓർമ്മകൾ പിന്നിലേക്ക് മാഞ്ഞു പോകാറുണ്ട് പലപ്പോഴും. എന്നാൽ പഴയ ചങ്ങാതിമാരുമായി ഇടപഴകുമ്പോൾ  മറഞ്ഞിരിക്കുന്ന ചില  ഓർമ്മകളെ നമുക്ക് ഉണർത്താൻ‌ സാധിക്കും. ഒരു അഞ്ച് മിനിറ്റ് കോളിന് പഴയകാലത്തെ ചില മനോഹരമായ നിമിഷങ്ങളെ വേഗത്തിൽ പുതുക്കാനാകും. ഞാൻ ഇന്നലെ സന്തോഷ് (ആന്റിന), വിനോദ് (പ്രാണി)  എന്നിവരുടെ ജന്മദിനാശംസകൾ 🥳നേരുന്നതിനോടൊപ്പം കുറച്ച് നല്ല സമയം ചെലവഴിച്ചു. 

ഭൂതകാലത്തിന്റെ മധുരസ്‍മരണകൾ തിരികെ കൊണ്ടുവരുന്ന നിരവധി അവസരങ്ങളുണ്ട്. നിങ്ങളുടെ പഴയ സുഹൃത്തുക്കളുമായ് ബന്ധപ്പെടുന്നത് തീർച്ചയായും അതിലൊന്നാണ്. ഇന്ന്‌ ഒരു പഴയ ചങ്ങാതിയുമായി കണക്റ്റുചെയ്‌ത് കമന്റ്‍സിൽ നിങ്ങളുടെ അനുഭവം പങ്കിടുക. ചലഞ്ച് സീരീസിന്റെ ഹിന്ദി വിവർത്തനത്തിനായി എന്റെ ഉത്തരേന്ത്യൻ സുഹൃത്തുക്കളിൽ നിന്ന് സോഷ്യൽ മീഡിയയിൽ സന്ദേശങ്ങൾ ലഭിക്കുന്നതിനാൽ, ഇത് ഹിന്ദിയിലും പോസ്റ്റുചെയ്യുന്നു.