റിലീസിന് മുന്നേ 100 കോടിയോ?, രജനികാന്ത് ചിത്രം പ്രീ റിലീസായി നേടിയത് ഞെട്ടിക്കുന്ന തുക
Synopsis
ലോകേഷ് കനകരാജാണ് സംവിധാനം നിര്വഹിക്കുന്നത്.
ലോകേഷ് കനകരാജ് സംവിധാനം ചെയ്യുന്ന ചിത്രമാണ് കൂലി. തമിഴകത്തിന്റെ രജനികാന്ത് നായകനായി വരാനിരിക്കുന്ന ചിത്രവുമാണ് കൂലി. കൂലിക്ക് വമ്പൻ ഓഫറുകളാണ് വിദേശത്തെ തിയറ്റര് വിതരണ കമ്പനികളില് നിന്ന് ലഭിച്ചിരിക്കുന്നത് എന്നാണ് റിപ്പോര്ട്ട്. കൂലിക്ക് 80 കോടിയാണ് വിദേശത്തെ തിയറ്റര് റൈറ്റ്സ് ഇനത്തില് കൂലിക്ക് ലഭിച്ചിരിക്കുന്നത് എന്ന് ഒടിടിപ്ലേ റിപ്പോര്ട്ട് ചെയ്യുന്നു. തെലുങ്കിലും വൻ തുകയ്ക്ക് ആണ് തിയറ്റര് റൈറ്റ്സ് വിറ്റുപോയിരിക്കുന്നത് എന്നതാണ് പുതിയ റിപ്പോര്ട്ട്. തെലുങ്ക് പതിപ്പിന് 46 കോടിയാണ് ചിത്രത്തിന് ലഭിച്ചിരിക്കുന്നത്. നാഗാര്ജുനയും നിര്ണായക കഥാപാത്രമായി രജനികാന്ത് ചിത്രത്തില് ഉള്ളത് തെലുങ്കില് കൂലിക്ക് ഗുണകരമായി എന്നുവേണം കരുതാൻ.
കൂലിയുടെ പോസ്റ്റര് പ്രൊഡക്ഷൻ ജോലികളുടെ തിരക്കിലാണ് ലോകേഷ് കനകരാജ് ഇപ്പോഴെന്നാണ് റിപ്പോര്ട്ട്. ഓഗസ്റ്റ് 14നാണ് രജനികാന്ത് നായകനായ ചിത്രം പ്രദര്ശനത്തിന് എത്തുക. സ്റ്റൈല് മന്നൻ രജനികാന്തിന്റേതായി ഒടുവില് വന്നത് വേട്ടയ്യനായിരുന്നു. സംവിധായകൻ ടി ജെ ജ്ഞാനവേലായിരുന്നു.
സംവിധായകൻ ലോകേഷ് കനകരാജിന്റേതായി ഒടുവിലെത്തിയ ചിത്രം വിജയ് നായകനായി വേഷമിട്ട ലിയോയാണ്. സംവിധായകൻ ലോകേഷ് കനകരാജിന്റെ ഒരു ചിത്രത്തില് വിജയ് നായകനായപ്പോള് പ്രതീക്ഷിച്ചതിനും അപ്പുറമുള്ള ഒരു വിജയമാണ് നേടാനായത് എന്നായിരുന്നു ബോക്സ് ഓഫീസ് റിപ്പോര്ട്ട് . തമിഴകത്ത് ഇൻഡസ്ട്രി ഹിറ്റാകാനും വിജയ് ചിത്രം ലിയോയ്ക്ക് സാധിച്ചു. ദളപതി വിജയ്യുടെ ലിയോയുടെ രണ്ടാം ഭാഗം ഉണ്ടാകുമെന്നും നേരത്തെ ഒരു റിപ്പോര്ട്ടുണ്ടായിരുന്നു.
വിജയ്യുടെ ലിയോ ആഗോളതലത്തില് 620 കോടി രൂപയിലധികം നേടിയിരുന്നു എന്നായിരുന്നു റിപ്പോര്ട്ട്. തൃഷ വിജയ്യുടെ നായികയായി 14 വര്ഷങ്ങള് കഴിഞ്ഞ് വീണ്ടും എത്തിയിരിക്കുന്നു എന്ന ഒരു പ്രത്യേകതയും ലിയോയ്ക്കുണ്ടായിരുന്നതിനാല് ആരാധകര് കാത്തിരുന്നിരുന്നതായിരുന്നു. സത്യ എന്ന ഒരു കഥാപാത്രമായിട്ടാണ് ചിത്രത്തില് വിജയ്യുടെ നായികയായി തൃഷ എത്തിയത്. വിജയ്യ്ക്കും നായിക തൃഷയ്ക്കും പുറമേ ചിത്രത്തില് അര്ജുൻ, സാൻഡി മാസ്റ്റര്, മാത്യു, മനോബാല, പ്രിയ ആനന്ദ്, ബാബു ആന്റണി, അഭിരാമി വെങ്കടാചലം, ഇയ, വാസന്തി, മായ എസ് കൃഷ്ണൻ, ശാന്തി മായാദേവേി, മഡോണ സെബാസ്റ്റ്യൻ, അനുരാഗ് കശ്യപ്, സച്ചിൻ മണി, തുടങ്ങിയവരും വേഷമിട്ടു.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക