ലക്കി ഭാസ്കര് 100 കോടിയിലേക്കോ?, ഒടിടിയില് എപ്പോള്?, എവിടെയാണ്?
Synopsis
ലക്കി ഭാസ്കര് ഒടിടിയില് എവിടെ?.
മലയാളത്തിന്റെ ദുല്ഖര് നായകനായി വന്ന ചിത്രമാണ് ലക്കി ഭാസ്കര്. തെലുങ്കില് ദുല്ഖര് നായകനായ ഒരു ചിത്രമായിട്ടും ലക്കി ഭാസ്കര് പ്രതീക്ഷകള്ക്കപ്പുറമുള്ള വിജയമായിരിക്കുകയാണ്. ലക്കി ഭാസ്കര് ആഗോളതലത്തില് 100 കോടിയിലേക്ക് കുതിക്കുകയാണെന്നാണ് റിപ്പോര്ട്ട്. ലക്കി ഭാസ്കര് സിനിമ എപ്പോഴായിരിക്കും ഒടിടിയില് എത്തുക എന്ന റിപ്പോര്ട്ടും ശ്രദ്ധയാകര്ഷിക്കുകയാണ്.
ഒടിടി റൈറ്റ്സ് നേടിയിരിക്കുന്നത് നെറ്റ്ഫ്ലിക്സാണ്. മിക്കവാറും നവംബര് 30ന് ചിത്രം ഒടിടിയില് എത്തിയേക്കും എന്നാണ് റിപ്പോര്ട്ടുകള് സൂചിപ്പിക്കുന്നത്. ഒടിടി റിലീസില് ഔദ്യോഗിക സ്ഥിരീകരണമുണ്ടായിട്ടില്ല. തിയറ്ററില് വൻ വിജയമായതിനാല് ചിത്രത്തിന്റെ ഒടിടി റിലീസ് വൈകുമോ എന്നതില് വ്യക്തതയുമില്ല.
വെങ്കി അറ്റ്ലൂരി തിരക്കഥ എഴുതി സംവിധാനം നിര്വഹിക്കുന്നത് ആണ് ലക്കി ഭാസ്കര്. മീനാക്ഷി ചൗധരിയാണ് നായികയായി എത്തിയിരിക്കുന്നത്. ചിത്രത്തിന്റെ നിര്മാണം സിതാര എന്റർടെയിൻമെന്റസിന്റെ ബാനറില് ആണ്. ശബരിയാണ് ദുല്ഖര് ചിത്രത്തിന്റെ പിആര്ഒ.
കിംഗ് ഓഫ് കൊത്തയാണ് മലയാളത്തില് ഒടുവില് ദുല്ഖറിന്റേതായെത്തിയത്. ദുല്ഖറിന്റെ കിംഗ് ഓഫ് കൊത്ത സംവിധാനം ചെയ്തത് അഭിലാഷ് ജോഷിയാണ്. ഛായാഗ്രാഹണം നിര്വഹിച്ചത് നിമീഷ് രവിയാണ്. ജേക്സ് ബിജോയ്യും ഷാൻ റഹ്മാനുമാണ് സംഗീതം ഒരുക്കിയത്. അഭിലാഷ് എൻ ചന്ദ്രനായിരുന്നു തിരക്കഥ. ദുല്ഖറിന്റെ കിംഗ് ഓഫ് കൊത്ത സിനിമയില് പ്രസന്ന, ചെമ്പൻ വിനോദ്, ഗോകുൽ സുരേഷ്, വടചെന്നൈ ശരൺ, ഐശ്വര്യാ ലക്ഷ്മി, നൈല ഉഷ, ശാന്തി കൃഷ്ണ, അനിഖാ സുരേന്ദ്രൻ എന്നിവരും പ്രധാന വേഷങ്ങളിലെത്തിയിരുന്നു. സംഘട്ടനം രാജശേഖർ നിര്വഹിച്ച ദുല്ഖര് ചിത്രത്തിന്റെ മേക്കപ്പ് റോണെക്സ് സേവ്യര്, പ്രൊഡക്ഷൻ ഡിസൈനർ നിമേഷ് താനൂർ, കൊറിയോഗ്രാഫി ഷെറീഫ്, വസ്ത്രാലങ്കാരം പ്രവീൺ വർമ, പ്രൊഡക്ഷൻ കൺട്രോളർ ദീപക് പരമേശ്വര്, സ്റ്റിൽ ഷുഹൈബ് എസ് ബി കെയും ആണ്.
Read More: ഇതിലും രസകരമായി എങ്ങനെ അത് പറയാനാണ്?, സായ് പല്ലവിയുടെ വാക്കുകള് ചര്ച്ചയാകുന്നു
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ