സോഷ്യല് മീഡിയ തൂക്കി മമ്മൂട്ടിയും, വീഡിയോയില് എന്താ സ്വാഗ്!
Synopsis
പ്രായത്തെ തോല്പ്പിക്കുന്ന മമ്മൂട്ടിയുടെ പുതിയ വീഡിയോയും ചര്ച്ചയാകുകയാണ്.
ഓരോ വര്ഷം കഴിയുന്തോറും നടൻ മമ്മൂട്ടിയുടെ പ്രായം കുറയുന്നതു പോലെയാണ് തോന്നുന്നത്. നടനത്തിനൊപ്പം സൗന്ദര്യത്തിന്റെ കാര്യത്തിലും ആരുമില്ല മമ്മൂട്ടിയെ വെല്ലാൻ എന്ന് വിശേഷിപ്പിച്ചാല് അതിശയോക്തിയാകില്ല. മമ്മൂട്ടിയുടെ ഓരോ ഫോട്ടോയും ശ്രദ്ധയാകര്ഷിക്കാറുണ്ട്. മമ്മൂട്ടിയുടെ പുതിയ ഒരു സ്റ്റൈലൻ വീഡിയോയും ശ്രദ്ധയാകര്ഷിക്കുകയാണ്.
മമ്മൂട്ടി വേഷമിട്ട് ഡൊമിനിക് ആന്റ് ദ ലേഡീസ് പഴ്സാണ് അവസാനമായി പ്രദര്ശനത്തിനെത്തിയത്. സംവിധായകൻ ഗൗതം വാസുദേവ് മേനോൻ ആദ്യമായി മലയാളത്തിലെത്തുന്നു എന്നതായിരുന്നു പ്രധാന ആകര്ഷണം. എന്നാല് ബോക്സ് ഓഫീസ് കളക്ഷനില് ചിത്രത്തിന് നിരാശയായിരുന്നു ഫലം. മമ്മൂട്ടിയുടെ ഡൊമിനിക് ആന്റ് ദ ലേഡീസ് പഴ്സിന്റെ ഒടിടി റിലീസ് ആമസോണ് പ്രൈം വീഡിയോയിയിലായിരിക്കും എന്നാണ് ഇംഗ്ലീഷ് ജാഗ്രണ് റിപ്പോര്ട്ട് ചെയ്യുന്നത്.
ചാള്സ് ഈനാശു ഡൊമനികായി മമ്മൂട്ടിയെത്തിയ ചിത്രം ഒടിടിയില് എപ്പോഴായിരിക്കും റിലീസ് എന്ന് പ്രഖ്യാപിച്ചിട്ടില്ലതിനാല് അതിനായി കാത്തിരിക്കുകയാണ് ആരാധകര്. പഴയ പൊലീസ് ഓഫീസറാണ് ഡൊമിനിക്. കൊച്ചിയില് സ്വകാര്യ ഡിറ്റക്റ്റ് ഏജൻസിയുള്ള കഥാപാത്രവുമാണ് ഡൊമനിക്. ഒരു അന്വേഷണം ഡൊമനിക്കിലേക്ക് എത്തുന്നതുമാണ് ചിത്രത്തിന്റെ പ്രമേയം. ആരെയൊക്കെയാണ് ഡൊമിനികിന് മറികടക്കാനാകുകയെന്നത് അറിയാൻ കളക്ഷൻ കണക്കുകളുടെ വിശദമായി വിലയിരുത്തലിനായി കാത്തിരിക്കണം.
മമ്മൂട്ടിക്കും ഗോകുല് സുരേഷിനുമൊപ്പം ഡൊമിനിക് സിനിമയില് സുഷ്മിത ഭട്ട്, വിജി വെങ്കിടേഷ്, വിനീത്, വിജയ് ബാബു തുടങ്ങിയവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ജോര്ജ് സെബാസ്റ്റ്യനാണ് എക്സിക്യൂട്ടീവ് പ്രൊഡ്യൂസര്. കഥ ഡോ. നീരജ് രാജന്, തിരക്കഥ, സംഭാഷണം ഡോ. നീരജ് രാജന്, ഡോ. സൂരജ് രാജന്, ഗൗതം വസുദേവ് മേനോന്. കലാസംവിധാനം അരുണ് ജോസ് ആണ്. ഛായാഗ്രഹണം വിഷ്ണു ആര് ദേവ്,.സംഗീതം ദര്ബുക ശിവ, പ്രൊഡക്ഷന് ഡിസൈനര് ഷാജി നടുവില്, സ്റ്റണ്ട്സ് സുപ്രീം സുന്ദര്, കലൈ കിങ്സണ്, ആക്ഷന് സന്തോഷ്, നൃത്തസംവിധാനം ബൃന്ദ മാസ്റ്റര്, കോ ഡയറക്ടര് പ്രീതി ശ്രീവിജയന്, ലൈന് പ്രൊഡ്യൂസര് സുനില് സിംഗ്, പ്രൊഡക്ഷന് കണ്ട്രോളര് അരോമ മോഹന്, ചീഫ് അസോസിയേറ്റ് ഡയറക്ടര് ആരിഷ് അസ്ലം, ഫൈനല് മിക്സ് തപസ് നായക് ആണ്.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക