മൂന്നുപേര്ക്ക് ഒന്നാം റാങ്ക്, മലയാള സിനിമാ നടൻമാരുടെ വിദ്യാഭ്യാസ യോഗ്യതകള് ഇങ്ങനെ
Synopsis
മോഹൻലാലിന്റെയും മമ്മൂട്ടിയുടെയും മറ്റ് മലയാള താരങ്ങളുടെയും വിദ്യഭ്യാസ യോഗ്യതകൾ.
ആരാധകര്ക്ക് എന്നും കൗതുകമുള്ള കാര്യങ്ങളാണ് താരങ്ങളുടെ വിശേഷങ്ങള്. താരങ്ങളുടെ കുടുംബവും പ്രതിഫലവുമൊക്കെ പലപ്പോഴും വാര്ത്തകളില് ചര്ച്ചയാകാറുണ്ട്. എന്നാല് അങ്ങനെ പരാമര്ശിക്കപ്പെടാത്ത ഒന്നാണ് താരങ്ങളുടെ വിദ്യാഭ്യാസ യോഗ്യതകള്. മോഹൻലാലും മമ്മൂട്ടിയും സുരേഷ് ഗോപിയടക്കമുള്ള സിനിമാ നടൻമാരുടെ വിദ്യാഭ്യാസ യോഗ്യതകള് പ്രേക്ഷകരുടെ ശ്രദ്ധയിലേക്ക് എത്തിക്കുകയാണ് ഇവിടെ.
ബികോം ബിരുദധാരിയാണ് കോളേജ് കാലത്തേ സിനിമയില് എത്തിയ മോഹൻലാല്. തിരുവനന്തപുരം എംജി കോളേജില് നിന്നാണ് താരം ബിരുദമെടുത്തത്. മമ്മൂട്ടി വക്കീല് ആയിരുന്നു സിനിമയില് വരുന്നതിന് മുമ്പ് എന്ന് നടന്റെ ആരാധകര്ക്ക് മിക്കവര്ക്കും അറിയാവുന്ന കാര്യമാണ്. എറണാകുളം ഗവണ് ലോ കോളേജിലാണ് താരം വിദ്യാഭ്യാസം നടത്തിയും എല്എല്ബി ബിരുദം കരസ്ഥമാക്കിയതും.
തീപാറും ഡയലോഗുകളിലൂടെ ആവേശം സൃഷ്ടിച്ച താരമായ സുരേഷ് ഗോപിയാകട്ടെ ഇംഗ്ലീഷ് സാഹിത്യത്തില് ബിരുദാനന്തര ബിരുദം നേടിയിട്ടുണ്ട്. ആക്ഷൻ ഹീറോയായ സുരേഷ് ഗോപി തന്റെ എംഎ പഠനം കൊല്ലം ഫാത്തിമ മാതാ നാഷണല് കോളേജിലായിരുന്നു നടത്തിയത്. മിമിക്രിയിലൂടെ പ്രേക്ഷകരുടെ പ്രിയങ്കരനാകുകയും പിന്നീട് സിനിമയില് കുടുംബ നായകനായി മാറുകയും ചെയ്ത ജയറാം കാലടി ശ്രീ ശങ്കര കോളേജില് നിന്ന് ഇക്കണോമിക്സില് ബിരുദം നേടി. കോമഡി വേഷങ്ങളിലൂടെ പ്രേക്ഷകരുടെ പ്രിയങ്കരും ഇന്ന് സിനിമയില് വേറിട്ട ഭാവങ്ങളില് എത്തി വിസ്മയിപ്പിക്കുന്ന ജഗദീഷ് തിരുവനന്തപുരം നാലാഞ്ചിറ മാര് ഇവാനിയസ് കോളേജില് നിന്ന് എംകോം ബിരുദം നേടിയപ്പോള് കേരള സര്വകലാശാലയില് ഒന്നാം റാങ്കുകാരനുമായിരുന്നു.
ഓസ്ടേലിയയിലെ ടാസ്മാനിയ ഐടി യൂണിവേഴ്സ്റ്റിയില് തന്റെ പഠനം നടത്തവേയാണ് പൃഥ്വിരാജിന് നന്ദനത്തിലേക്ക് അവസരം ലഭിക്കുന്നതും പിന്നീട് സിനിമയില് ഒന്നാംനിര നായകനാകുകയും ചെയ്തത്. തുടര്ന്ന് ബിരുദ പഠനം ഉപേക്ഷിക്കുകയായിരുന്നു. അനൂപ് മേനോൻ തിരുവനന്തപുരം ലോ കോളേജില് തന്റെ ബിരുദ പഠനം പൂര്ത്തിയാക്കിയപ്പോള് ഒന്നാം റാങ്കുകാരനുമായിരുന്നു. ഇന്ദ്രജിത്ത് തിരുന്നല്വേലി സര്ദാര് കോളേജിലാണ് തന്റെ ബിടെക്സ് പഠനം പൂര്ത്തിയാക്കുകയും ബിരുദം നേടുകയും ചെയ്തത്. എറണാകുളം സെയ്ന്റെ കോളേജില് പഠിച്ച താരം ജയസൂര്യ ബികോംകാരനാണ്. ചെമ്പഴത്തി ശ്രീ നാരായണ കോളേജില് തന്റെ സൈക്കോളജി ബിരുദം നേടിയ പ്രേംകുമാര് പിന്നീട് കോഴിക്കോട് സര്വകലാശാലയുടെ സ്കൂള് ഓഫ് ഡ്രാമയില് നിന്ന് തിയറ്ററില് ഒന്നാം റാങ്കും ഗോള്ഡ് മെഡലുമായി ബിരുദം നേടി. ആറ്റിങ്ങല് ഗവണ്മെന്റ് ഐടിഎയില് നിന്നാണ് തന്റെ മെക്കാനിക്കല് ഡിപ്ലോമ കോഴ്സ് സുരാജ് വെഞ്ഞാറമൂട് പൂര്ത്തിയാക്കിയത്.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ