Bheeshma Parvam movie : 'ഭീഷ്മ പര്വ'ത്തിലെ നായകനെത്തി, ക്യാരക്ടര് പോസ്റ്റര് പങ്കുവെച്ച് മമ്മൂട്ടി
Synopsis
'ഭീഷ്മ പര്വം' എന്ന ചിത്രത്തിലെ ക്യാരക്ടര് പോസ്റ്റര് മമ്മൂട്ടി പുറത്തുവിട്ടു.
മമ്മൂട്ടിയുടെ (Mammootty) 'ഭീഷ്മ പര്വ'മെന്ന (Bheeshma Parvam) ചിത്രം ആരാധകര് ആകാംക്ഷയോടെ കാത്തിരിക്കുന്ന ഒന്നാണ്. അമല് നീരദിന്റെ സംവിധാനത്തിലുള്ള ചിത്രത്തിന്റെ ക്യാരക്ടര് പോസ്റ്ററുകള് കുറച്ചുദിവസങ്ങളായി പുറത്തുവിട്ടുവരികയാണ്. മമ്മൂട്ടി തന്നെയാണ് തന്റെ ചിത്രത്തിലെ കഥാപാത്രങ്ങളുടെ പോസ്റ്റര് റിലീസ് ചെയ്യുന്നത്. ഇപോഴിതാ ഒടുവില് മമ്മൂട്ടി തന്റെ ക്യാരക്ടര് പോസ്റ്ററും പുറത്തുവിട്ടിരിക്കുകയാണ്.
'മൈക്കിള്' എന്ന കഥാപാത്രത്തെയാണ് ചിത്രത്തില് മമ്മൂട്ടി അവതരിപ്പിക്കുന്നത്. ഫെബ്രുവരി 24ന് ആണ് ചിത്രം റിലീസ് ചെയ്യുക. തിയറ്ററുകളില് തന്നെയാണ് മമ്മൂട്ടി ചിത്രം പ്രദര്ശനത്തിനെത്തുന്നത്. ബിഗ് ബിയുടെ തുടര്ച്ചയായ 'ബിലാല്' ആണ് ചെയ്യാനിരുന്നതെങ്കിലും അമല് നീരദ് കൊവിഡ് പശ്ചാത്തലത്തില് 'ഭീഷ്മ പര്വ്വം' പ്രഖ്യാപിക്കുകയായിരുന്നു.
തബു, ഫര്ഹാന് ഫാസില്, ഷൈന് ടോം ചാക്കോ, ദിലീഷ് പോത്തന്, അബു സലിം, പദ്മരാജ് രതീഷ്, ഷെബിന് ബെന്സണ്, ലെന, ശ്രിന്ധ, ജിനു ജോസഫ്, വീണ നന്ദകുമാര്, ഹരീഷ് പേരടി, അനസൂയ ഭരദ്വാജ്, നദിയ മൊയ്തു, മാല പാര്വ്വതി തുടങ്ങി വലിയ താരനിരയാണ് ചിത്രത്തില് അണിനിരന്നിരിക്കുന്നത്. അമല് നീരദ് തന്നെയാണ് ചിത്രം നിര്മിക്കുന്നത്. അമല് നീരദ് പ്രൊഡക്ഷൻസിന്റെ ബാനറിലാണ് നിര്മാണം. എ ആൻഡ് എയാണ് ചിത്രത്തിന്റെ വിതരണം. വിവേക് ഹര്ഷൻ ആണ് ചിത്രത്തിന്റെ ചിത്രസംയോജനം.
കൊച്ചിയാണ് 'ഭീഷ്മ പര്വം' ചിത്രത്തിന്റെ ലൊക്കേഷൻ. സുഷിൻ ശ്യാം ആണ് ചിത്രത്തിന്റെ സംഗീത സംവിധായകൻ. ആനന്ദ് സി ചന്ദ്രനാണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. അമല് നീരദും ദേവദത്ത് ഷാജിയും ചേര്ന്നാണ് 'ഭീഷ്മ പര്വ'ത്തിന്റെ തിരക്കഥ എഴുതിയിരിക്കുന്നത്.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ