cinema tourism |ഓര്മ്മകള്ക്ക് നിറം പകരുന്ന പദ്ധതി; കേരളത്തില് സിനിമാ ടൂറിസം ആരംഭിക്കുമെന്ന് മുഹമ്മദ് റിയാസ്
Synopsis
സിനിമാ ഗൃഹാതുര ഓര്മ്മകള്ക്ക് നിറം പകരുന്ന പുതിയ പദ്ധതി ആരംഭിക്കാന് ടൂറിസം വകുപ്പ് ഒരുങ്ങുകയാണ്.
സംസ്ഥാനത്ത് സിനിമാ ടൂറിസം(cinema tourism) ആരംഭിക്കുമെന്ന് മന്ത്രി പി എ മുഹമ്മദ് റിയാസ്(Mohammad Riyaz). കിരീടം സിനിമയില് മോഹന്ലാലിന്റെ വികാര നിര്ഭരമായ രംഗങ്ങള് ചിത്രീകരിച്ച പാലം, ബോംബെ സിനിമയില് ഉയിരെ എന്ന ഗാനം ചിത്രീകരിച്ച ബേക്കല് തുടങ്ങി ഒട്ടേറെ സ്ഥലങ്ങളില് ഒരുവട്ടമെങ്കിലും എത്താന് സഞ്ചാരികളെ ആകര്ഷിക്കുന്നതാണ് പദ്ധതിയെന്നും മന്ത്രി പറയുന്നു.
മുഹമ്മദ് റിയാസിന്റെ വാക്കുകൾ
കേരളത്തില് സിനിമാടൂറിസം ആരംഭിക്കും
കാലം എത്ര കഴിഞ്ഞാലും മനസില് നിന്നും മാഞ്ഞ് പോവാത്ത ചില സിനിമാ ഫ്രെയിമുകളുണ്ട്. നമ്മളെ ഏറെ സ്വാധീനിച്ച ചില സിനിമാ രംഗങ്ങള്. നമ്മുടെ ഇത്തരം സിനിമാ ഗൃഹാതുര ഓര്മ്മകള്ക്ക് നിറം പകരുന്ന പുതിയ പദ്ധതി ആരംഭിക്കാന് ടൂറിസം വകുപ്പ് ഒരുങ്ങുകയാണ്. കിരീടം സിനിമയില് മോഹന്ലാലിന്റെ വികാര നിര്ഭരമായ രംഗങ്ങള് ചിത്രീകരിച്ച പാലം, ബോംബെ സിനിമയില് ഉയിരെ എന്ന ഗാനം ചിത്രീകരിച്ച ബേക്കല് തുടങ്ങി ഒട്ടേറെ സ്ഥലങ്ങളില് ഒരുവട്ടമെങ്കിലും എത്താന്സഞ്ചാരികളെ ആകര്ഷിക്കുന്നതാണ് പദ്ധതി. സാംസ്കാരിക വകുപ്പും ടൂറിസം വകുപ്പും സംയുക്തമായാണ് പദ്ധതി ഒരുക്കുന്നത്. സിനിമാ താരങ്ങളെ കൂടി ഉള്പ്പെടുത്തി സിനിമാടൂറിസം പദ്ധതി മികവുറ്റതാക്കാം എന്നാണ് പ്രതീക്ഷിക്കുന്നത്. ഇതുമായി ബന്ധപ്പെട്ട് സിനിമാമേഖലയിലെ പ്രമുഖരുമായി ചര്ച്ച നടത്തുന്നതാണ്. സാംസ്കാരിക വകുപ്പ് മന്ത്രി ശ്രീ. സജി ചെറിയാനുമായി നടത്തിയ ചര്ച്ചയില് ഇരു വകുപ്പുകളും ചേര്ന്ന് ഉടന് തന്നെ സിനിമാടൂറിസം പദ്ധതി യാഥാര്ത്ഥ്യമാക്കാന് തീരുമാനിച്ചു. നിങ്ങള് കാണാന് ആഗ്രഹിക്കുന്ന കേരളത്തിലെ സിനിമാ ലൊക്കേഷനുകളെ കുറിച്ചുള്ള അഭിപ്രായങ്ങള് അറിയിക്കുമല്ലോ.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ