കുട്ടികളുടെ പ്രിയം നേടാന്‍ 'മോമോ ഇന്‍ ദുബായ്'; റിലീസ് തീയതി പ്രഖ്യാപിച്ചു

നവാഗതനായ അമീന്‍ അസ്​ലം സംവിധാനം

അനു സിത്താര, അനീഷ് ജി മേനോന്‍, ജോണി ആന്‍റണി എന്നിവരെ പ്രധാന കഥാപാത്രങ്ങളാക്കി നവാഗതനായ അമീന്‍ അസ്​ലം സംവിധാനം ചെയ്ത മോമോ ഇന്‍ ദുബായ്‌ എന്ന ചിത്രത്തിന്‍റെ റിലീസ് തീയതി പ്രഖ്യാപിച്ചു. ഫെബ്രുവരി മൂന്നിന് ചിത്രം തിയറ്ററുകളില്‍ എത്തും. ഇരുപതിന് ഐക്കണ്‍ സിനിമാസ് റിലീസ് ആണ് ചിത്രം വിതരണം ചെയ്യുന്നത്.

തിയറ്ററുകളില്‍ ചിരിമാല തീർത്ത ജോ ആൻഡ് ജോ എന്ന ചിത്രത്തിന്‍റെ പ്രൊഡക്ഷൻ ടീമും ജാന്‍ എ മൻ, ജോ ആൻഡ് ജോ, ജയ ജയ ജയ ജയ ഹേ തുടങ്ങിയ ചിത്രങ്ങളുടെ വിതരണക്കാരും ഒന്നിക്കുന്ന ചിത്രമാണിത്. കിഡ്സ് ആന്റ് ഫാമിലി എന്‍റര്‍ടെയ്നര്‍ എന്നാണ് അണിയറക്കാര്‍ ചിത്രത്തെ വിശേഷിപ്പിച്ചിരിക്കുന്നത്. സുഡാനി ഫ്രം നൈജീരിയ, ഹലാൽ ലൗ സ്റ്റോറി എന്നീ ചിത്രങ്ങള്‍ക്കു ശേഷം സക്കരിയയും ആയിഷ എന്ന ചിത്രത്തിന്റെ തിരകഥാകൃത്ത് ആഷിഫ് കക്കോടിയും ചേര്‍ന്നാണ് ചിത്രത്തിന്‍റെ രചന നിര്‍വ്വഹിച്ചിരിക്കുന്നത്. ഇമാജിൻ സിനിമാസ്, ക്രോസ് ബോര്‍ഡർ ക്യാമറ, ബിയോണ്ട് സ്റ്റുഡിയോസ് എന്നീ ബാനറുകളില്‍ സക്കരിയ, ഹാരിസ് ദേശം, പി ബി അനീഷ്, നഹല അൽ ഫഹദ് എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.

ഛായാഗ്രഹണം സജിത് പുരുഷു നിർവഹിക്കുന്നു. ബി കെ ഹരിനാരായണൻ, ഡോക്ടർ ഹിഖ്മത്തുള്ള, അമീൻ കാരക്കുന്ന് എന്നിവരുടെ വരികള്‍ക്ക് ജാസി ഗിഫ്റ്റ്, ഗഫൂര്‍ എം ഖയാം, യാക്സൻ & നേഹ എന്നിവര്‍ സംഗീതം പകരുന്നു. ഒട്ടേറെ സിനിമകളുടെ പ്രൊഡക്ഷന്‍ കണ്‍ട്രോളര്‍ ആയ ഹാരിസ് ദേശം നിർമ്മാതാവാകുന്ന ചിത്രം കൂടിയാണിത്. എഡിറ്റിംഗ് രതീഷ് രാജ്, പ്രൊഡക്ഷന്‍ കണ്‍ട്രോളര്‍ റിന്നി ദിവാകരന്‍, പ്രൊഡക്ഷന്‍ ഡിസൈനര്‍ ഗോകുല്‍ ദാസ്, മോഹൻദാസ്, മേക്കപ്പ് മുഹമ്മദ് അനിസ്, വസ്ത്രാലങ്കാരം ഇര്‍ഷാദ് ചെറുകുന്ന്, സ്റ്റില്‍സ് സിനറ്റ്​ സേവ്യര്‍, പരസ്യകല പോപ്കോണ്‍, ചീഫ് അസോസിയേറ്റ് ഡയറക്ടര്‍ ഇര്‍ഷാദ് പരാരി, സൗണ്ട് ഡിസൈന്‍ വിക്കി & കിഷന്‍, കാസ്റ്റിംങ്ങ് ഡയറക്ടര്‍ നൂറുദ്ധീന്‍ അലി അഹമ്മദ്, പ്രൊഡക്ഷന്‍ കോഡിനേഷന്‍ ഗിരീഷ് അത്തോളി, പ്രൊമോഷൻ കൺസൾട്ടന്റ് വിപിൻ കുമാർ, പി ആർ ഒ- എ എസ് ദിനേശ്.