വിനായകന്റെ പരാമര്ശങ്ങളോട് അപ്പോള് എന്ത് കൊണ്ട് പ്രതികരിച്ചില്ല; വ്യക്തമാക്കി നവ്യ നായര്
Synopsis
പ്രസ്താവന സാമൂഹ്യമാധ്യമങ്ങളിലടക്കം വലിയ വിവാദത്തിനാണ് തുടക്കമിട്ടത്.സിനിമ സാമൂഹ്യ രാഷ്ട്രീയ മേഖലകളിലുള്ളവർ നടനെതിരെ രംഗത്തെത്തി.
കൊച്ചി: വിനായകന്റെ വിവാദ പരാമര്ശങ്ങള് വിവാദമാകുമ്പോള് പ്രതികരണവുമായി നടി നവ്യ നായര് (Navya Nair). മീ ടുമായി ബന്ധപ്പെട്ട വിനായകന്റെ (vinayakan) പരാര്ശത്തിന് എന്തുകൊണ്ട് അതേ വേദിയില് ഉണ്ടായിരുന്ന നവ്യ പ്രതികരിച്ചില്ലെന്ന ചോദ്യത്തിന്, അപ്പോള് എനിക്ക് പ്രതികരിക്കാന് പറ്റുന്ന സാഹചര്യം ആയിരുന്നില്ലെന്നായിരുന്നു നവ്യയുടെ മറുപടി.
സംവിധായകന് വികെ പ്രകാശിനൊപ്പമുള്ള ഇന്സ്റ്റഗ്രാം ലൈവിലായിരുന്നു നവ്യയുടെ വിശദീകരണം.നവ്യ നായരേയും വിനായകനേയും നവ്യ നായികയായ സിനിമയുമായി ബന്ധപ്പെട്ട വാര്ത്താ സമ്മേളനത്തിനിടെയായിരുന്നു വിനായകന്റെ വിവാദ പരാമര്ശനം.
മീ ടു എന്നതിന്റെ അര്ത്ഥം തനിക്ക് അറിയില്ല. ഒരു സ്ത്രീയുമായി ശാരീരിക ബന്ധത്തില് ഏര്പ്പെടുവാന് തോന്നിയാല് അത് ചോദിക്കും അതിനെയാണ് മീ ടു എന്ന് വിളിക്കുന്നത് എങ്കില് താന് അത് വീണ്ടും ചെയ്യുമെന്നുമായിരുന്നു വിനായകന് പറഞ്ഞത്.
'എന്താണ് മീ ടു? എനിക്ക് അറിയില്ല. പെണ്ണിനെ കയറി പിടിച്ചോ. അതാണോ? ഞാന് ചോദിക്കട്ടെ ഒരു പെണ്ണുമായും എനിക്ക് ശാരീരിക ബന്ധത്തില് ഏര്പ്പെടണം എന്നുണ്ടെങ്കില് എന്ത് ചെയ്യും. എന്റെ ലൈഫില് ഞാന് പത്ത് സ്ത്രീകളുമായി ശാരീരിക ബന്ധത്തില് ഏര്പ്പെട്ടിട്ടുണ്ട്.
ആ പത്ത് സ്ത്രീകളോടും ഞാന് ആണ് എന്നോടൊപ്പം ഫിസിക്കല് റിലേഷന്ഷിപ്പില് ഏര്പ്പെടുമോ എന്ന് അങ്ങോട്ട് ചോദിച്ചത്. അതാണ് നിങ്ങള് പറയുന്ന മീ ടു എങ്കില് ഞാന് ഇനിയും ചോദിക്കും. എന്നോട് ഒരു പെണ്ണും ഇങ്ങോട്ട് വന്നു ചോദിച്ചിട്ടില്ല' വിനായകന് പറഞ്ഞു.
പ്രസ്താവന സാമൂഹ്യമാധ്യമങ്ങളിലടക്കം വലിയ വിവാദത്തിനാണ് തുടക്കമിട്ടത്.സിനിമ സാമൂഹ്യ രാഷ്ട്രീയ മേഖലകളിലുള്ളവർ നടനെതിരെ രംഗത്തെത്തി. വിഷയത്തിൽ ഇത് വരെ പ്രതികരിക്കാത്ത ഡബ്യൂസിസി നിലപാടിനെ ചോദ്യം ചെയ്താണ് നടൻ ഹരീഷ് പേരടിയുടെ ഫെയ്സ്ബുക്ക് പോസ്റ്റ്.സ്ത്രീകളെ പറ്റിയുള്ള വിനായകന്റെ കാഴ്ചപ്പാട് വികലമായി എന്ന് കോൺഗ്രസ് നേതാവ് ഷാനിമോൾ ഉസ്മാനും വിമർശിച്ചു. വനിത കമ്മീഷൻ സ്വമേധയാ കേസെടുക്കണമെന്ന ആവശ്യവുമാണ് ശക്തമാവുകയാണ്.