അശ്വിൻ ശരവണനിന്റെ സംവിധാനത്തില് നയൻതാര, 'കണക്റ്റ്' ടീസര് റിലീസ് അപ്ഡേറ്റ്
Synopsis
നയൻതാര നായികയാകുന്ന ചിത്രത്തിന്റെ ടീസര് റീലീസ് അപ്ഡേറ്റ്.
നയൻതാര നായികയാകുന്ന ചിത്രം 'കണക്റ്റ്' ആരാധകര് ആകാംക്ഷയോടെ കാത്തിരിക്കുന്ന ഒന്നാണ്. അശ്വിൻ ശരവണനാണ് ചിത്രം സംവിധാനം ചെയ്യുന്നത്. അശ്വിൻ ശരവണൻ തന്നെയാണ് ചിത്രത്തിന്റെ തിരക്കഥ എഴുതുന്നതും. 'കണക്റ്റ്' എന്ന ചിത്രത്തിന്റെ ടീസര് റിലീസിനെ കുറിച്ചുള്ളതാണ് പുതിയ വാര്ത്ത.
നയൻതാര നായികയായ ചിത്രം 'മായ'യിലൂടെയാണ് അശ്വിൻ ശരവണൻ സംവിധായകനാകുന്നത്. തപ്സിയെ നായികയാക്കിയിട്ടുള്ള ചിത്രമായ 'ഗെയിം ഓവറും' അശ്വിൻ ശരവണിന്റേതായി എത്തി. നിരൂപകപ്രശംസയും പ്രേക്ഷകപ്രീതിയും നേടിയ ചിത്രങ്ങളായി മായ'യും 'ഗെയിം ഓവറും'. അശ്വിൻ ശരവണിന്റെ പുതിയ ചിത്രത്തില് നയൻതാരയ്ക്ക് ഒപ്പം അനുപം ഖേര്, സത്യരാജ് എന്നിവരും പ്രധാന കഥാപാത്രങ്ങളായി എത്തുന്നു. വിഘ്നേശ് ശിവന്റേയും നയൻതാരയുടെയും നിര്മാണ കമ്പനിയായ റൗഡി പിക്ചേഴ്സാണ് 'കണക്റ്റ്' നിര്മിക്കുന്നത്. ആരാധകര് കാത്തിരിക്കുന്ന ചിത്രമായ 'കണക്റ്റി'ന്റെ ടീസറിന്റെ റീലീസ് തിയ്യതി പുറത്തുവിട്ടിരിക്കുകയാണ്. അശ്വിൻ ശരവണൻ ചിത്രത്തിന്റെ ടീസര് 18നാണ് പുറത്തുവിടുക.
നയൻതാരയും വിഘ്നേശ് ശിവനും അടുത്തിടെ ഇരട്ടക്കുട്ടികള് ജനിച്ചത് ആരാധകര് ആഘോഷമാക്കിയിരുന്നു. വാടക ഗര്ഭപാത്രത്തിലൂടെയായിരുന്നു കുഞ്ഞുങ്ങള് ജനിച്ചത്. 'ഞങ്ങളുടെ ഉയിരിനും ഉലകത്തിനും നിങ്ങളുടെ എല്ലാ അനുഗ്രഹങ്ങളും വേണം' എന്നായിരുന്നു സന്തോഷ വിവരം പങ്കുവച്ച് വിഘ്നേശ് ശിവൻ കുറിച്ചിരുന്നത്. നയൻതാരയും വിഘ്നേശ് ശിവനും വാടക ഗര്ഭധാരണത്തിന്റെ നിയപരമായ നടപടിക്രമങ്ങള് എല്ലാം പൂര്ത്തിയാക്കിയിരുന്നുവെന്ന് തമിഴ്നാട് സര്ക്കാരിന്റെ അന്വേഷണത്തില് ബോധ്യമായിരുന്നു.
നയൻതാരയും വിഘ്നേശ് ശിവനും ജൂണ് ഒമ്പതിന് ആയിരുന്നു വിവാഹിതരായത്. മഹാബലിപുരത്തായിരുന്നു ഇരുവരുടെയും വിവാഹം നടന്നത്. ഷാരൂഖ് ഖാന്, കമല് ഹാസന്, രജനികാന്ത്, സൂര്യ. ജ്യോതിക തുടങ്ങിയ പ്രമുഖരാൽ സമ്പന്നമായിരുന്നു വിവാഹം. സംവിധായകൻ വിഘ്നേശ് ശിവനുമായുള്ള വിവാഹദൃശ്യങ്ങള് അടക്കം ഉള്പ്പെടുത്തി നയൻതാരയെ കുറിച്ചുള്ള ഡോക്യുമെന്ററി നെറ്റ്ഫ്ലിക്സ് സ്ട്രീം ചെയ്യുമെന്നും അറിയിച്ചിരുന്നു.
Read More: ഒരു യുഗത്തിന്റെ അന്ത്യം, കൃഷ്ണയ്ക്ക് ആദരാഞ്ജലിയുമായി താരങ്ങള്