Oru Thekkan Thallu Case : വേറിട്ട വേഷപ്പകര്ച്ചയില് ബിജു മേനോന്; 'ഒരു തെക്കന് തല്ല് കേസ്' മോഷന് പോസ്റ്റര്
Synopsis
ബ്രോ ഡാഡിയുടെ തിരക്കഥാകൃത്തുക്കളില് ഒരാളായിരുന്നു ശ്രീജിത്തിന്റെ സംവിധാന അരങ്ങേറ്റം
ബിജു മേനോനെ (Biju Menon) നായകനാക്കി നവാഗതനായ ശ്രീജിത്ത് എന് (Sreejith N) സംവിധാനം ചെയ്യുന്ന ഒരു തെക്കന് തല്ല് കേസിന്റെ (Oru Thekkan Thallu Case) ഫസ്റ്റ് ലുക്ക് മോഷന് പോസ്റ്റര് പുറത്തെത്തി. ജി ആര് ഇന്ദുഗോപന്റെ അമ്മിണിപ്പിള്ള വെട്ടുകേസ് എന്ന കഥയെ ആസ്പദമാക്കിയുള്ള ചിത്രത്തിന് തിരക്കഥയൊരുക്കിയിരിക്കുന്നത് രാജേഷ് പിന്നാടന് ആണ്.
നേരത്തെ മോഹന്ലാലിനെ ടൈറ്റില് കഥാപാത്രമാക്കി പൃഥ്വിരാജ് സംവിധാനം ചെയ്ത ബ്രോ ഡാഡിയുടെ തിരക്കഥാകൃത്തുക്കളില് ഒരാളാണ് ശ്രീജിത്ത് എന്. പത്മപ്രിയ നായികയാവുന്ന ചിത്രത്തില് യുവതാരങ്ങളായ റോഷന് മാത്യുവും നിമിഷ സജയനും മറ്റു രണ്ട് പ്രധാന കഥാപാത്രങ്ങളെ അവതരിപ്പിക്കുന്നു. ഒരിടവേളയ്ക്കു ശേഷമാണ് പത്മപ്രിയ വീണ്ടും ബിഗ് സ്ക്രീനിലേക്ക് എത്തുന്നത്. ഇ ഫോർ എന്റര്ടെയ്ന്മെന്റിന്റെ ബാനറിൽ മുകേഷ് ആര് മേത്ത, സി വി സാരഥി എന്നിവർ ചേര്ന്ന് നിര്മ്മിക്കുന്ന ചിത്രത്തിന്റെ ഛായാഗ്രഹണം മധു നീലകണ്ഠൻ നിർവ്വഹിക്കുന്നു.
സംഗീതം ജസ്റ്റിന് വര്ഗീസ്. എക്സിക്യൂട്ടീവ് പ്രൊഡ്യൂസർ റോഷന് ചിറ്റൂര്. ലൈന് പ്രൊഡ്യൂസർ ഓപ്പണ് ബുക്ക് പ്രൊഡക്ഷന്സ്. മലയാളത്തിലെ ഏറ്റവും പ്രശസ്തമായ ചലച്ചിത്ര പോസ്റ്റര് ഡിസൈന് സ്ഥാപനങ്ങളിലൊന്നായ ഓള്ഡ് മോങ്ക്സിന്റെ സാരഥിയാണ് ശ്രീജിത്ത് എന്. ശ്രീജിത്തിനൊപ്പം ബിബിന് മാളിയേക്കലും ചേര്ന്നാണ് 'ബ്രോ ഡാഡി'യുടെ രചന നിര്വ്വഹിച്ചത്. ഓണം റിലീസ് ആയിരിക്കും ചിത്രം.
നിവിന് പോളിയും ആസിഫ് അലിയും ഒരുമിച്ച്; 'മഹാവീര്യര്' റിലീസ് തീയതി പ്രഖ്യാപിച്ചു
നിവിന് പോളി (Nivin Pauly), ആസിഫ് അലി (Asif Ali) എന്നിവരെ പ്രധാന കഥാപാത്രങ്ങളാക്കി എബ്രിഡ് ഷൈന് (Abrid Shine) തിരക്കഥയും സംവിധാനവും നിര്വ്വഹിച്ച മഹാവീര്യരുടെ (Maha Veeryar) റിലീസ് തീയതി പ്രഖ്യാപിച്ചു. ജൂലൈ 21ന് ചിത്രം ലോകമെമ്പാടുമുള്ള തിയറ്ററുകളില് പ്രദര്ശനത്തിനെത്തും. പ്രശസ്ത സാഹിത്യകാരൻ എം മുകുന്ദന്റെ കഥയുടെ ചലച്ചിത്രരൂപമാണിത്. പോളി ജൂനിയർ പിക്ചേഴ്സിന്റെ ബാനറിൽ നിവിൻ പോളിയും ഇന്ത്യൻ മൂവി മേക്കേഴ്സിന്റെ ബാനറിൽ പി എസ് ഷംനാസും ചേർന്നാണ് ചിത്രം നിർമ്മിച്ചിരിക്കുന്നത്.
ഫാന്റസിയും ടൈം ട്രാവലും നിയമപുസ്തകങ്ങളും നിയമനടപടികളും പ്രമേയമാക്കിയിരിക്കുന്ന ചിത്രവുമാണിത്. വലിയ ക്യാൻവാസിൽ ചിത്രീകരിച്ചിരിക്കുന്ന ഈ ചലച്ചിത്രം പുതിയ കാഴ്ചകൾ സമ്മാനിക്കുന്ന കാമ്പുള്ള ഒന്നായിരിക്കും എന്ന് അണിയറ പ്രവർത്തകർ അവകാശപ്പെടുന്നു. വര്ഷങ്ങൾക്കു ശേഷമാണ് നിവിന് പോളിയും ആസിഫ് അലിയും ഒരുമിച്ച് അഭിനയിക്കുന്നത്. 1983, ആക്ഷന് ഹീറോ ബിജു എന്നീ സൂപ്പർഹിറ്റ് ചിത്രങ്ങള്ക്ക് ശേഷം മൂന്നാം തവണ നിവിന് പോളിയും എബ്രിഡ് ഷൈനും ഒന്നിക്കുന്ന ചിത്രമാണ് മഹാവീര്യര്. രാജസ്ഥാനിലും കേരളത്തിലുമായാണ് ചിത്രീകരണം പൂര്ത്തിയാക്കിയത്.
ALSO READ : ബോക്സ് ഓഫീസില് കുതിപ്പ് തുടര്ന്ന് 'വിക്രം', പുതിയ റെക്കോര്ഡ്
ലാല്, ലാലു അലക്സ്, സിദ്ദിഖ്, വിജയ് മേനോന്, മേജർ രവി, മല്ലിക സുകുമാരൻ, കൃഷ്ണ പ്രസാദ്, സൂരജ് എസ് കുറുപ്പ്, സുധീര് കരമന, പദ്മരാജ് രതീഷ്, സുധീർ പറവൂർ, പ്രമോദ് വെളിയനാട്, ഷൈലജ പി അമ്പു, പ്രജോദ് തുടങ്ങിയവര് ചിത്രത്തിലെ മറ്റു കഥാപാത്രങ്ങളെ അവതരിപ്പിച്ചിരിക്കുന്നു. ഛായാഗ്രഹണം ചന്ദ്രു സെല്വരാജ്, സംഗീതം ഇഷാന് ചാബ്ര, എഡിറ്റിംഗ് മനോജ്, സൗണ്ട് ഡിസൈന്, ഫൈനല് മിക്സിംഗ് വിഷ്ണു ശങ്കര്, കലാസംവിധാനം അനീഷ് നാടോടി, മേക്കപ്പ് ലിബിൻ, വസ്ത്രാലങ്കാരം ചന്ദ്രകാന്ത് സോനാവെൻ, മെൽവി ജെ, പ്രൊഡക്ഷൻ കണ്ട്രോളര് ശ്യാം ലാൽ. കൊവിഡ് മഹാമാരിക്കിടെ ഒട്ടേറെ വെല്ലുവിളികള് നേരിട്ടാണ് വലിയ ബജറ്റില് ചിത്രത്തിന്റെ ഷൂട്ടിംഗ് പൂര്ത്തീകരിച്ചത്.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ