'പാല്തു ജാന്വര്' ഇനി ഒടിടിയില്; റിലീസ് തീയതി പ്രഖ്യാപിച്ചു
Synopsis
ചിത്രം സംവിധാനം ചെയ്തത് നവാഗതനായ സംഗീത് പി രാജന് ആണ്
ഓണം റിലീസ് ആയി എത്തി പ്രേക്ഷകശ്രദ്ധ നേടിയ ചിത്രമായിരുന്നു പാല്തു ജാന്വര്. ഭാവന സ്റ്റുഡിയോസിന്റെ ബാനറില് ദിലീഷ് പോത്തന്, ശ്യാം പുഷ്കരന്, ഫഹദ് ഫാസില് എന്നിവര് ചേര്ന്ന് നിര്മ്മിച്ച ചിത്രം ഇപ്പോഴിതാ ഒടിടി റിലീസിന് ഒരുങ്ങുകയാണ്. ഡിസ്നി പ്ലസ് ഹോട്ട്സ്റ്റാറിലൂടെ എത്തുന്ന ചിത്രത്തിന്റെ സ്ട്രീമിംഗ് ഒക്ടോബര് 14 ന് ആരംഭിക്കും. സെപ്റ്റംബര് 2 ന് ആയിരുന്നു ചിത്രത്തിന്റെ തിയറ്റര് റിലീസ്.
ബേസില് ജോസഫ് കേന്ദ്ര കഥാപാത്രത്തെ അവതരിപ്പിച്ച ചിത്രം സംവിധാനം ചെയ്തത് നവാഗതനായ സംഗീത് പി രാജന് ആണ്. ചിത്രത്തിന്റെ രചന നിര്വ്വഹിച്ചിരിക്കുന്നത് വിനോയ് തോമസ്, അനീഷ് അഞ്ജലി എന്നിവര് ചേര്ന്നാണ്. അമല് നീരദിനും മിഥുന് മാനുവല് തോമസിനുമൊപ്പം പ്രവര്ത്തിച്ച പരിചയവുമായാണ് സംഗീത് പി രാജന് ആദ്യ ചിത്രം ഒരുക്കിയത്. ഇന്ദ്രന്സ്, ജോണി ആന്റണി, ദിലീഷ് പോത്തന്, ശ്രുതി സുരേഷ്, ജയ കുറുപ്പ്, ആതിര ഹരികുമാര്, തങ്കം മോഹന്, സ്റ്റെഫി സണ്ണി, വിജയകുമാര്, കിരണ് പീതാംബരന്, സിബി തോമസ്, ജോജി ജോണ് എന്നിവര്ക്കൊപ്പം മോളിക്കുട്ടി എന്ന പശുവും ചിത്രത്തില് ഒരു പ്രധാന കഥാപാത്രത്തെ അവതരിപ്പിച്ചിരിക്കുന്നു.
ALSO READ : ഒടുവില് ആസിഫ് അലിയെ അവതരിപ്പിച്ച് 'റോഷാക്ക്' ടീം; ആദ്യ പോസ്റ്റര് പുറത്ത്
രണദിവെയാണ് ഛായാഗ്രഹണം. സംഗീതം ജസ്റ്റിന് വര്ഗീസ്. ജോജിയുടെയും സംഗീത സംവിധാനം ജസ്റ്റിന് ആയിരുന്നു. കലാസംവിധാനം ഗോകുല് ദാസ്, എഡിറ്റിംഗ് കിരണ് ദാസ്, എക്സിക്യൂട്ടീവ് പ്രൊഡ്യൂസേഴ്സ് ബെന്നി കട്ടപ്പന, ജോസ് വിജയ്, ചീഫ് അസോസിയേറ്റ് ഡയറക്ടേഴ്സ് രോഹിത്ത്, ചന്ദ്രശേഖര്, സ്റ്റില്സ് ഷിജിന് പി രാജ്, സൌണ്ട് ഡിസൈന് നിഥിന് ലൂക്കോസ്, വസ്ത്രാലങ്കാരം മഷര് ഹംസ, മേക്കപ്പ് റോണക്സ് സേവ്യര്, പ്രൊഡക്ഷന് കണ്ട്രോളര് ബിനു മണമ്പൂര്, വിഷ്വല് എഫക്റ്റ്സ് എഗ്ഗ്വൈറ്റ് വിഎഫ്എക്സ്, ടൈറ്റില് ഡിസൈന് എല്വിന് ചാര്ലി, പബ്ലിസിറ്റി ഡിസൈന് യെല്ലോ ടൂത്ത്സ്. ഈ വര്ഷത്തെ ആദ്യ ഓണം റിലീസ് ആയിരുന്നു പാല്തു ജാന്വര്.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ