'നട്ടെല്ലിലൂടെ ഒരു ഭയം'; പൗരത്വ ഭേദഗതി ബില്ലിനെതിരേ പാര്വ്വതി
Synopsis
പുതിയ നിയമപ്രകാരം പാകിസ്ഥാന്, അഫ്ഗാനിസ്ഥാന്, ബംഗ്ലാദേശ് എന്നീ മൂന്ന് രാജ്യങ്ങളില്നിന്നും 2014 ഡിസംബര് 31 വരെ ഇന്ത്യയില് അഭയം പ്രാപിച്ച ഹിന്ദു, ക്രിസ്ത്യന്, ജൈന, ബുദ്ധ, സിഖ്, പാഴ്സി മതവിഭാഗങ്ങളില്പ്പെട്ട അഭയാര്ഥികള്ക്ക് ഇന്ത്യന് പൗരത്വം ലഭിക്കും.
ദേശീയ പൗരത്വ ഭേദഗതി ബില് രാജ്യസഭ പാസാക്കിയതിന് പിന്നാലെ വിഷയത്തില് പ്രതികരണവുമായി നടി പാര്വ്വതി. 'നട്ടെല്ലിലൂടെ ഒരു ഭയം. ഇത് അനുവദിക്കാനാവില്ല', പാര്വ്വതി ട്വീറ്റ് ചെയ്തു.
വിവാദങ്ങള്ക്കും മാരത്തണ് സംവാദങ്ങള്ക്കും ശേഷമാണ് രാജ്യസഭ പൗരത്വ ഭേദഗതി ബില് പാസാക്കിയത്. നേരത്തേ ലോക്സഭയും ബില് പാസാക്കിയിരുന്നു. ഇരുസഭകളും പാസാക്കിയ ബില്ലില് ഇനി രാഷ്ട്രപതി ഒപ്പ് വെക്കുന്നതോടെ പൗരത്വ ഭേദഗതി ബില് നിയമമായി മാറും.
പുതിയ നിയമപ്രകാരം പാകിസ്ഥാന്, അഫ്ഗാനിസ്ഥാന്, ബംഗ്ലാദേശ് എന്നീ മൂന്ന് രാജ്യങ്ങളില്നിന്നും 2014 ഡിസംബര് 31 വരെ ഇന്ത്യയില് അഭയം പ്രാപിച്ച ഹിന്ദു, ക്രിസ്ത്യന്, ജൈന, ബുദ്ധ, സിഖ്, പാഴ്സി മതവിഭാഗങ്ങളില്പ്പെട്ട അഭയാര്ഥികള്ക്ക് ഇന്ത്യന് പൗരത്വം ലഭിക്കും. 105നെതിരേ 125 വോട്ടുകള്ക്കാണ് ബില് രാജ്യസഭ പാസാക്കിയത്.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ