സര്‍പ്രൈസ് ഹിറ്റായി 'പോര്‍ തൊഴില്‍', ഒടിടി റിലീസ് പ്രഖ്യാപിച്ചു

ശരത്‍കുമാര്‍ നായകനായ ഹിറ്റ് ചിത്രത്തിന്റെ ഒടിടി റിലീസ് പ്രഖ്യാപിച്ചു.

ശരത്കുമാര്‍ നായകനായി ഒടുവില്‍ എത്തിയ ചിത്രമാണ് 'പോര്‍ തൊഴില്‍'. അശോക് സെല്‍വനും ചിത്രത്തില്‍ പ്രധാനപ്പെട്ട കഥാപാത്രമായി എത്തിയിരുന്നു. മികച്ച പ്രതികരണമാണ് ചിത്രത്തിന് ലഭിച്ചത്. ഇപ്പോഴിതാ ശരത്കുമാര്‍ നായകനായ ചിത്രത്തിന്റെ ഒടിടി റിലീസ് പ്രഖ്യാപിച്ചിരിക്കുകയാണ് എന്നതാണ് പുതിയ റിപ്പോര്‍ട്ട്.

സോണി ലിവിലാണ് ചിത്രം പ്രദര്‍ശനത്തിനെത്തുക. ഓഗസ്റ്റ് നാലിനായിരിക്കും സ്‍ട്രീമിംഗ് തുടങ്ങുക. വിഘ്‍നേശ് രാജയാണ് സംവിധാനം ചെയ്‍തത്. വിഘ്‍നേശ് രാജയും ആല്‍ഫ്രഡ് പ്രകാശുമാണ് തിരക്കഥ രചിച്ചിരിക്കുന്നത്.

അടുത്തിടെ ചെന്നൈയില്‍ ശരത്‍ കുമാര്‍ ചിത്രത്തിന്‍റെ വിജയാഘോഷം നടന്നിരുന്നു. 'പോര്‍ തൊഴില്‍' പെട്ടെന്ന് 50 കോടി നേടിയെന്നിരുന്നു. 'പോര്‍ തൊഴില്‍' 100 ദിവസം എങ്കിലും പ്രദര്‍ശിപ്പിക്കണമെന്ന് ആ ചടങ്ങില്‍ ശരത്കുമാര്‍ ആവശ്യപ്പെട്ടിരുന്നു. 'പോര്‍ തൊഴില്‍' വൻ വിജയമാകുന്നതിനാല്‍ ഒടിടി റിലീസ് വൈകിപ്പിക്കാൻ തീരുമാനിച്ചു എന്നും റിപ്പോര്‍ട്ടുകള്‍ ഉണ്ടായിരുന്നു.

ശരത്കുമാര്‍ 'എസ് പി ലോഗനാഥനാ'യപ്പോള്‍ ചിത്രത്തില്‍ 'ഡിഎസ്‍പി കെ പ്രകാശാ'യി അശോക് സെല്‍വനും 'വീണ'യായി നിഖില വിമലും 'എഡിജിപി ഡി മഹേന്ദ്രനാ'യി നിഴല്‍ഗല്‍ രവിയും 'കെന്നഡി'യായി ശരത് ബാബുവും 'മാരിമുത്താ'യി പി എല്‍ തേനപ്പനും 'മുത്തുസെല്‍വനാ'യി സുനില്‍ സുഖദയും വേഷമിട്ടു. ജേക്ക്‍സ് ബിജോയിയായിരുന്നു ചിത്രത്തിന്റെ സംഗീതം. കലൈസെല്‍വൻ ശിവജിയായിരുന്നു ചിത്രത്തിന്റെ ഛായാഗ്രാഹണം. 'പോര്‍ തൊഴില്‍' ക്രൈം ത്രില്ലര്‍ ചിത്രം ആയിരുന്നു. സമീര്‍ നായര്‍, ദീപക് സെഗാള്‍, മുകേഷ് ആര്‍ മേഹ്‍ത, സി വി സാരഥി, പൂനം മെഹ്‍റ, സന്ദീപ മേഹ്‍റ എന്നിവരായിരുന്നു 'പോര്‍ തൊഴില്‍' നിര്‍മിച്ചത്. അപ്ലോസ് എന്റര്‍ടെയ്‍ൻമെന്റും ഇ4 എക്സ്‍പെരിമെന്റ്‍സുമായിരുന്നു ചിത്രത്തിന്റെ ബാനര്‍. ചിത്രത്തിന്റെ വിതരണം ശക്തി ഫിലിം ഫാക്ടറി ആയിരുന്നു.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക