83 movie : ഇന്ത്യയുടെ ലോകകപ്പ് വിജയവുമായി '83'; മലയാളത്തിൽ അവതരിപ്പിക്കാൻ പൃഥ്വിരാജ്
Synopsis
രണ്വീര് സിംഗ് നായകനാകുന്ന '83' എന്ന ചിത്രം മലയാളത്തില് അവതരിപ്പിക്കാന് പൃഥ്വിരാജ്.
1983ല് ഇന്ത്യയുടെ ലോകകപ്പ് ക്രിക്കറ്റ് വിജയത്തെ ആസ്പദമാക്കി ഒരുങ്ങുന്ന ബഹുഭാഷാ ചിത്രമാണ് '83'(83 movie).
രണ്വീര് സിംഗ്(Ranveer Singh) നായകനായി എത്തുന്ന ചിത്രം സംവിധാനം ചെയ്തിരിക്കുന്നത് ബോളിവുഡ് സംവിധായകന് കബീര് ഖാന് ആണ്. കഴിഞ്ഞ ദിവസം പുറത്തിറങ്ങിയ ചിത്രത്തിന്റെ ടീസറിന് വൻ സ്വീകാര്യതയായിരുന്നു പ്രേക്ഷകരിൽ നിന്നും ലഭിച്ചത്. ഇപ്പോഴിതാ ചിത്രം മലയാളത്തിൽ അവതരിപ്പിക്കുന്നത് പൃഥ്വിരാജിന്റെ(Prithviraj) ഉടമസ്ഥതയിലുള്ള പൃഥ്വിരാജ് പ്രൊഡക്ഷന്സെന്ന വാർത്തയാണ് പുറത്തുവരുന്നത്.
ലോകം മുഴുവന് ഉറ്റുനോക്കുന്ന ഇന്ത്യന് ക്രിക്കറ്റ് ടീമിന്റെ ചരിത്ര നേട്ടത്തിന്റെ കഥ പറയുന്ന 83 അവതരിപ്പിക്കുന്നതില് അഭിമാനമുണ്ടെന്ന് പൃഥ്വിരാജ് പറഞ്ഞതായി ടൈംസ് ഓഫ് ഇന്ത്യ റിപ്പോർട്ട് ചെയ്യുന്നു. പൃഥ്വിരാജ് പ്രൊഡക്ഷന്സുമായി യോജിക്കാനായതില് ഏറെ സന്തോഷമുണ്ടെന്ന് ചിത്രത്തിന്റെ സംവിധായകനും നിര്മാതാവുമായ കബീര് ഖാനും പറഞ്ഞു.
രണ്വീര് സിംഗ് മുന് ഇന്ത്യന് ക്രിക്കറ്റ് നായകന് കപില് ദേവിന്റെ റോളിലെത്തുന്ന ചിത്രം ക്രിസ്മസിന് തിയറ്ററുകളിലെത്തും. ഡിസംബർ 24നാണ് റിലീസ്. ഹിന്ദി, തമിഴ്, തെലുങ്ക്, കന്നഡ, മലയാളം ഭാഷകളിലായിരിക്കും ചിത്രത്തിന്റെ റിലീസ്. കബീര് ഖാന് സംവിധാനം ചെയ്യുന്ന ചിത്രത്തില് ദീപിക പദുകോണ് ആണ് നായിക. പങ്കജ് ത്രിപാഠി, ബൊമാന് ഇറാനി, സാക്വിബ് സലിം, ഹാര്ഡി സന്ധു, താഹിര് രാജ് ഭാസിന്, ജതിന് സര്ന തുടങ്ങിയവരും അഭിനയിക്കുന്നു.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ