Kaaval Teaser| 'കാവലാ'യ് തമ്പാൻ; സുരേഷ് ഗോപി ചിത്രത്തിന്റെ ടീസർ പുറത്ത്
Synopsis
തമ്പാൻ എന്ന നായക വേഷത്തിൽ സുരേഷ് ഗോപി എത്തുമ്പോൾ ആന്റണി എന്ന വേഷത്തിൽ രൺജി പണിക്കരും അഭിനയിക്കുന്നു.
സുരേഷ് ഗോപിയെ (suresh gopi) കേന്ദ്ര കഥാപാത്രമാക്കി നിഥിൻ രഞ്ജി പണിക്കർ ഒരുക്കുന്ന ചിത്രമാണ് കാവല് (kaaval). നവംബര് 25നാകും ചിത്രം തിയറ്ററിലെത്തുക. കേരളത്തില് മാത്രം 220 സ്ക്രീനുകളിലാണ് ചിത്രം പ്രദര്ശനത്തിനെത്തുന്നത്. ഇപ്പോഴിതാ ചിത്രത്തിന്റെ ടീസർ(Kaaval Teaser) പുറത്തുവിട്ടിരിക്കുകയാണ് അണിയറ പ്രവർത്തകർ.
ടീസറിന് മികച്ച പ്രതികരണമാണ് പ്രേക്ഷകരുടെ ഭാഗത്തി നിന്നും ലഭിക്കുന്നത്. 'ആക്ഷൻ ചക്രവർത്തിയുടെ അഴിഞ്ഞാട്ടം അതാണ് കാവൽ നവംബർ 25ന് തീ പാറും, ഇതുവരെ കണ്ടതും കേട്ടതും ഒക്കെയാണ് മാസ്സ് എങ്കിൽ...ഇനി കാണാൻ പോകുന്നതാണ് കൊടൂരമാസ്സ്' എന്നൊക്കെയാണ് കമന്റുകൾ.
തമ്പാൻ എന്ന നായക വേഷത്തിൽ സുരേഷ് ഗോപി എത്തുമ്പോൾ ആന്റണി എന്ന വേഷത്തിൽ രൺജി പണിക്കരും അഭിനയിക്കുന്നു. ഗുഡ്വില് എന്റര്ടെയിന്മെന്റ്സിന്റെ ബാനറില് ജോബി ജോര്ജാണ് ചിത്രം നിർമ്മിക്കുന്നത്.
കൊവിഡ് രണ്ടാംതരംഗത്തിനു ശേഷം തുറക്കുന്ന തിയറ്ററുകളിലേക്ക് ആദ്യമെത്തുന്ന സൂപ്പര്താര ചിത്രം കൂടിയാണ് കാവൽ.
സുരേഷ് കൃഷ്ണ, സന്തോഷ് കീഴാറ്റൂര്, ശങ്കര് രാമകൃഷ്ണന്,ശ്രീജിത്ത് രവി, രാജേഷ് ശര്മ്മ, കിച്ചു ടെല്ലസ്, കണ്ണന് രാജന് പി ദേവ് എന്നിവരും ചിത്രത്തിലുണ്ട്. നിഖില് എസ് പ്രവീണാണ് ഛായാഗ്രാഹകന്. ബി കെ ഹരി നാരായണന്റെ വരികൾക്ക് രഞ്ജിൻ രാജ് ആണ് സംഗീതം.