വമ്പൻമാരെ ഞെട്ടിച്ച ഹിറ്റ്, സര്പ്രൈസായ ചിത്രം മൊഴി മാറ്റി റിലീസിന്, ഇനിയും കോടികള് കൊയ്യുമോ?
Synopsis
വമ്പൻമാരെയും ഞെട്ടിച്ച് ഹിറ്റായ ആ ചിത്രം മൊഴി മാറ്റി റിലീസിന് ചെയ്യുകയാണ്.
ഇന്ത്യയില് സര്പ്രൈസ് ഹിറ്റായി മാറിയ ചിത്രമാണ് ഹനുമാൻ. വമ്പൻമാരെ ഞെട്ടിച്ച് ആഗോളതലത്തില് 350 കോടി രൂപയില് അധികം നേടിയിട്ടുണ്ടെന്നാണ് റിപ്പോര്ട്ട്. ഇക്കൊല്ലം അത്ഭുതപ്പെടുത്തിയ ഒരു വിജയ ചിത്രമായിരുന്നു ഹനുമാൻ. ഹനുമാൻ ജപ്പാനിലും എത്തുകയാണ് എന്നാണ് ചിത്രത്തിന്റെ പുതിയ അപ്ഡേറ്റ്.
ജപ്പാനിലെ റിലീസ് പ്രഖ്യാപിച്ചുകൊണ്ട് ഹനുമാൻ സിനിമയുടെ പുതിയ പോസ്റ്റര് പുറത്തുവിട്ടിട്ടുണ്ട്. തേജ സജ്ജ നായകനായി വന്ന ചിത്രം ജപ്പാനിലെത്തുക ഒക്ടോബര് നാലിന് ആണ്. ജപ്പാനില് മൊഴിമാറ്റിയാണ് എത്തുക എങ്കിലും ചിത്രം ഭാഷാഭേദമന്യേ ആകര്ഷിക്കുന്നതായതിനാല് പ്രതീക്ഷയും ഉണ്ട്. ആര്ആര്ആര് ജപ്പാനില് എത്തിയപ്പോള് അന്നാട്ടിലെ സിനിമാ പ്രേക്ഷകര് ഏറ്റെടുത്തിരുന്നു.
അമൃത നായരാണ് നായികയായി എത്തിയത്. 'കല്ക്കി', 'സോംബി റെഡ്ഡി' ചിത്രങ്ങളുടെ സംവിധായകൻ എന്ന നിലയില് തെലുങ്കില് ശ്രദ്ധയാകര്ഷിച്ചതാണ് തേജ സജ്ജ നായകനായ ഹനുമാൻ ഒരുക്കിയ പ്രശാന്ത് വര്മ. ഛായാഗ്രാഹണം നിര്വഹിക്കുന്നത് ശിവേന്ദ്ര ആണ്. കെ നിരഞ്ജൻ റെഢിയാണ് നിര്മാണം.
തെലുങ്കിലെ യുവ നായകൻമാരില് ശ്രദ്ധേയാകര്ഷിച്ച താരമാണ് തേജ സജ്ജ. തേജ സജ്ജയുടേതായി നായകനായി മുമ്പെത്തിയ ചിത്രം 'അത്ഭുത'മാണ്. 'സൂര്യ' എന്ന ഒരു കഥാപാത്രമായിട്ടായിരുന്നു ചിത്രത്തില് നായകനായ തേജ സജ്ജ വേഷമിട്ടത്. ഡിസ്നി പ്ലസ് ഹോട്സ്റ്റാറില് പ്രദര്ശനത്തിനെത്തിയ ചിത്രം മികച്ച പ്രതികരണമായിരുന്നില്ല നേടിയത്. മാലിക് റാം ആയിരുന്നു ചിത്രം സംവിധാനം ചെയ്തത്. ലക്ഷ്മി ഭൂപയിയയും പ്രശാന്ത് വര്മയുമാണ് തിരക്കഥ എഴുതിയത്. ശിവാനി രാജശേഖര് ആയിരുന്നു തേജയുടെ ചിത്രത്തില് നായികയായി എത്തിയത്, സത്യരാജ്, ശിവാജി രാജ, ദേവി പ്രസാദ് എന്നിവരും പ്രധാന വേഷങ്ങളിലെത്തി. ബാലതാരമായി അരങ്ങേറിയ തേജ തമിഴ് സിനിമയിലും വേഷമിട്ടിട്ടുണ്ട്.
Read More: മെയ്യഴകൻ ഭരിക്കും, കാര്ത്തി തകര്ത്തു, ആദ്യ പ്രതികരണങ്ങള് പുറത്ത്
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക