ജീവിതത്തിലെ ഏറ്റവും ത്രില്ലിംഗ് ആയ യാത്ര, റിലീസ് തിയ്യതി പ്രഖ്യാപിച്ച് പരിനീതി ചോപ്ര

ദ ഗേള്‍ ഓണ്‍ ദ ട്രെയിൻ എന്ന സിനിമയുടെ റിലീസ് തിയ്യതി പ്രഖ്യാപിച്ച് നടി പരിനീതി ചോപ്ര.

വളരെ കുറച്ച് സിനിമകളിലൂടെ തന്നെ പ്രേക്ഷകരുടെ പ്രിയം നേടിയ നടിയാണ് പരിനീതി ചോപ്ര. പരിനീതി ചോപ്ര നായികയാകുന്ന പുതിയ സിനിമയാണ് ദ ഗേള്‍ ഓണ്‍ ദ ട്രെയിൻ. ചിത്രത്തിന്റെ ഫോട്ടോകളൊക്കെ ഓണ്‍ലൈനില്‍ തരംഗമായിരുന്നു. ചിത്രത്തിന്റെ റിലീസ് തിയ്യതി പ്രഖ്യാപിച്ചതാണ് പുതിയ റിപ്പോര്‍ട്ട്. അടുത്ത വര്‍ഷം മെയ് എട്ടിനാണ് ചിത്രം റിലീസ് ചെയ്യുക.

നായിക കേന്ദ്രീകൃതമായ സിനിമയായിട്ടാണ് ദ ഗേള്‍ ഓണ്‍ ദ ട്രെയിൻ ഒരുക്കിയിരിക്കുന്നത്. ജീവിതത്തിലെ ഏറ്റവും ത്രില്ലിംഗ് ആയ യാത്ര എന്നാണ് പരിനീചി ചോപ്ര ചിത്രത്തെ വിശേഷിപ്പിച്ചിരിക്കുന്നത്. ഇതുവരെ അഭിനയച്ചതില്‍ നിന്നും തീര്‍ത്തും വേറിട്ട ഒരു ചിത്രമാണ് ദ ഗേള്‍ ഓണ്‍ ദ ട്രെയിൻ എന്നാണ് പരിനീതി ചോപ്ര പറയുന്നത്.  ബുദ്ധിമുട്ടുള്ള ഒരു കഥാപാത്രമാണ് ഇതെന്നും പരിനീതി പറയുന്നു. ദ ഗേള്‍ ഓണ്‍ ദ ട്രെയിൻ എന്ന അമേരിക്കൻ സിനിമയാണ് അതേപേരില്‍ ഹിന്ദിയിലേക്ക് റീമേക്ക് ചെയ്യുന്നത്.