ജനനായകൻ ഫെബ്രുവരിയിലും വരില്ല; ആരാധകരെ നിരാശരാക്കാതെ വിജയ്, ആ 158 കോടി പടം തിയറ്ററിലേക്ക്
Synopsis
ജനനായകൻ ഫെബ്രുവരിയില് എത്തില്ല, പകരം ആരാധകര്ക്ക് വിജയ്യുടെ മറ്റൊരു സമ്മാനം!.
ജനനായകൻ റിലീസ് പ്രതിസന്ധി തുടരുകയാണ്. ഫെബ്രുവരി 20ന് ജനനായകൻ എത്തുമെന്ന് പ്രതീക്ഷിക്കപ്പെട്ടിരുന്നു. എന്നാല് ഈ മാസം എന്തായാലും ചിത്രം എത്തില്ലെന്ന് വ്യക്തമായിരിക്കുകയാണ്. അതിനിടെ ഫെബ്രുവരി 20ന് വിജയ് ചിത്രം തെരിയുടെ റീ റിലീസ് പ്രഖ്യാപിച്ചിട്ടുണ്ട്.
2016-ൽ റിലീസ് ചെയ്ത ചിത്രം പത്ത് വർഷം പൂർത്തിയാക്കുന്ന വേളയിലാണ് റീ റിലീസ് പ്രഖ്യാപിച്ചത്. ഡിസിപി വിജയകുമാറായും ജോസഫ് കുരുവിളയായും വിജയ് പകർന്നാടിയ ഈ ആക്ഷൻ ത്രില്ലർ സംവിധാനം ചെയ്തത് അറ്റ്ലിയാണ്. സാമന്ത, എമി ജാക്സൺ എന്നിവരാണ് മറ്റ് പ്രധാന വേഷങ്ങളിലെത്തിയത്. ഇതിനകം നിരവധി ഭാഷകളിൽ തെരിയുടെ റീമേക്ക് റിലീസ് ചെയ്തിട്ടുണ്ട്. തെരി ആഗോള ബോക്സ് ഓഫീസില് 158 കോടി രൂപ നേടിയിരുന്നു.
കോടതികളില് നിന്ന് തുടര്ച്ചയായി തിരിച്ചടി നേരിട്ടതിന് പിന്നാലെ സെന്സര് ബോര്ഡിന് എതിരായ ഹര്ജി ജനനായകന് സിനിമയുടെ നിര്മ്മാതാക്കള് പിൻവലിച്ചിട്ടുണ്ട്. വിജയ്യുടെ അവസാന ചിത്രത്തിന്റെ നിര്മ്മാതാക്കളായ കെവിഎന് പ്രൊഡക്ഷന്സിന്റേതാണ് നിര്ണ്ണായക നീക്കം. കേസുമായി മുന്നോട്ടുപോകാന് തങ്ങള്ക്ക് താല്പര്യമില്ലെന്നും ചിത്രം റിവൈസിംഗ് കമ്മിറ്റിക്ക് വിടാമെന്നും നിര്മ്മാതാക്കള് മദ്രാസ് ഹൈക്കോടതിയെ അറിയിച്ചു. ഇക്കാര്യം അറിയിച്ചുകൊണ്ട് ഹൈക്കോടതി രജിസ്ട്രിക്ക് നിര്മ്മാതാക്കളുടെ അഭിഭാഷകന് കത്ത് നല്കിയിട്ടുണ്ട്.
കോടതിയിലെ നിയമ പോരാട്ടം തുടര്ന്നാല് റിലീസ് അനിശ്ചിതത്വം തുടരുമെന്നതാണ് നിര്മ്മാതാക്കളെ മാറി ചിന്തിക്കാന് പ്രേരിപ്പിച്ചത്. ഇനി സിംഗിള് ബെഞ്ചില് അപ്പീല് നല്കിയാല് നടപടികള് ആരംഭിക്കാന് തന്നെ ചുരുങ്ങിയത് 20 ദിവസമെങ്കിലുമെടുക്കും. അതിന് ശേഷം സെന്സര് ബോര്ഡിന് എട്ട് ആഴ്ച വരെ സമയം നല്കാന് കോടതിക്ക് സാധിക്കും. സിംഗിള് ബെഞ്ചില് നിന്ന് ഒരു അനുകൂല ഉത്തരവുണ്ടായാല് തന്നെ സെന്സര് ബോര്ഡ് ഡിവിഷന് ബെഞ്ചില് അപ്പീല് പോകും. ഡിവിഷന് ബെഞ്ചില് നിന്ന് സുപ്രീം കോടതിയിലേക്കും വ്യവഹാരം നീളും. നിയമപോരാട്ടവുമായി മുന്നോട്ട് പോകുന്നപക്ഷം ചിത്രം എപ്പോള് തിയറ്ററുകളില് എത്തിക്കാനാവുമെന്ന കാര്യത്തില് അനിശ്ചിതത്വം തുടരും. തമിഴ്നാട് തെരഞ്ഞെടുപ്പ് അടുത്തിരിക്കെ തീയതി പ്രഖ്യാപിച്ചാല് മാതൃകാ പെരുമാറ്റ ചട്ടം നിലവില് വരും. അപ്പോള് കൂടുതല് നിയമ കുരുക്കുകളിലേക്ക് ഇത് കടക്കും. അങ്ങനെ വന്നാല് ചിത്രം നിയമസഭാ തെരഞ്ഞെടുപ്പും കഴിഞ്ഞ് മെയ്, ജൂണ്, ജൂലൈ മാസങ്ങളിലേക്ക് നീളും തെരഞ്ഞെടുപ്പില് ടിവികെയ്ക്ക് തിരിച്ചടി നേരിട്ടാല് വിജയ്ക്ക് ഇപ്പോള് ലഭിക്കുന്ന സ്വീകാര്യത ലഭിക്കണമെന്നില്ല.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ