Thrayam Movie : ധ്യാനും സണ്ണി വെയ്നും ഒന്നിക്കുന്ന 'ത്രയം'; നിഗൂഢത നിറച്ച് ടീസർ
Synopsis
ഒറ്റ ദിവസം നടക്കുന്ന ഒരു കൂട്ടം ആളുകളുടെ കഥയാണ് ത്രയം എന്ന സിനിമ പറയുന്നത്.
സണ്ണി വെയ്ന്, ധ്യാന് ശ്രീനിവാസന് എന്നിവര് ആദ്യമായി ഒന്നിക്കുന്ന 'ത്രയം'(Thrayam Movie) എന്ന ചിത്രത്തിന്റെ ടീസർ പുറത്തുവിട്ടു. നവാഗതനായ സജിത്ത് ചന്ദ്രസേനന് ആണ് നിയോ നോയര് ജോണറിലെ ചിത്രം സംവിധാനം ചെയ്യുന്നത്. ഗോഡ്സ് ഓണ് കണ്ട്രി എന്ന ചിത്രത്തിന് ശേഷം അരുണ് കെ ഗോപിനാഥ് ആണ് തിരക്കഥയും സംഭാഷണവും നിർവഹിച്ചിരിക്കുന്നത്.
അജിത് വിനായക ഫിലിംസിന്റെ ബാനറില് വിനായക അജിത് ആണ് ചിത്രം നിര്മിക്കുന്നത്.അജു വര്ഗീസ്, ഡെയ്ന് ഡെവിസ്, നിരഞ്ജന് മണിയന്പ്പിള്ളരാജു, രാഹുല് മാധവ്, ചന്ദുനാഥ്, കാര്ത്തിക് രാമകൃഷ്ണന്, ഷാലു റഹീം, ഗോപി കൃഷ്ണ കെ വര്മ(തിരികെ ഫെയിം), പ്രീതി, ശ്രീജിത്ത് രാവി,സുരഭി സന്തോഷ്, അനാര്ക്കലി മരയ്ക്കാര്, നിരഞ്ജന അനൂര്, ഡയാന ഹമീദ്, വിവേക് അനിരുദ്ധ്, ഷാമില് കെഎസ് എന്നിവരാണ് മറ്റ് താരങ്ങള്. ഒറ്റ ദിവസം നടക്കുന്ന ഒരു കൂട്ടം ആളുകളുടെ കഥയാണ് ത്രയം എന്ന സിനിമ പറയുന്നത്.
ജിജു സണ്ണി ആണ് ക്യാമറ. അരുണ് മുരളീധരന് ആണ് സംഗീതസംവിധാനം. സജീവ് ചന്ദിരൂര് ആണ് പ്രൊഡക്ഷന് കണ്ട്രോളര്. ചിത്രത്തിന്റെ എഡിറ്റിംഗ് കൈകാര്യം ചെയ്തിരിക്കുന്നത് രതീഷ് രാജ് ആണ്. ചിത്രത്തിന്റെ ഫസ്റ്റ് ലുക്ക് പോസ്റ്ററിന് വലിയ സ്വീകാര്യത ആണ് ലഭിച്ചിരുന്നത്.എ.എസ് ദിനേശും ആതിരാ ദില്ജിത്തുമാണ് പിആർഒ.