'എമ്പുരാന്' ഒപ്പമെത്തുമോ? പ്രേക്ഷകര് കാത്തിരുന്ന പ്രഖ്യാപനവുമായി മോഹന്ലാല്
Synopsis
25 നാണ് ചിത്രത്തിന്റെ റിലീസ്
മലയാളത്തിലെ അപ്കമിംഗ് റിലീസുകളില് ഏറെ പ്രേക്ഷകശ്രദ്ധ നേടിയിട്ടുള്ള ഒന്നാണ് മോഹന്ലാലിനെ നായകനാക്കി തരുണ് മൂര്ത്തി സംവിധാനം ചെയ്തിരിക്കുന്ന തുടരും. പുതുതലമുറയിലെ ശ്രദ്ധേയ സംവിധായകനൊപ്പം മോഹന്ലാല് ആദ്യമായി എത്തുന്നു എന്നതിനൊപ്പം എവര്ഗ്രീന് കോമ്പോ ആയ മോഹന്ലാല്- ശോഭന വീണ്ടും ഒന്നിക്കുന്നു എന്നതും ഈ ചിത്രത്തിന്മേലുള്ള പ്രീ റിലീസ് ഹൈപ്പ് ആണ്. ഇപ്പോഴിതാ ആരാധകര് കാത്തിരുന്ന ഒരു തീയതി പ്രഖ്യാപിച്ചിരിക്കുകയാണ് മോഹന്ലാല് അടക്കമുള്ള അണിയറക്കാര്. ചിത്രത്തിന്റെ അഡ്വാന്സ് ടിക്കറ്റ് ബുക്കിംഗ് തീയതിയാണ് അത്.
ചിത്രത്തിന്റെ അഡ്വാന്സ് ബുക്കിംഗ് നാളെ (ഏപ്രില് 23) രാവിലെ 10 മണിക്ക് ആരംഭിക്കും. മോഹന്ലാലിന്റെ അവസാന റിലീസ് ആയിരുന്ന എമ്പുരാന് അഡ്വാന്സ് ബുക്കിംഗില് വന് പ്രതികരണമാണ് ലഭിച്ചത്. ലൂസിഫറിന്റെ രണ്ടാം ഭാഗത്തിനായുള്ള പ്രേക്ഷകരുടെ കാത്തിരിപ്പ് എത്രത്തോളമെന്ന് അറിയിക്കുന്നതായിരുന്നു ചിത്രത്തിന് ലഭിച്ച അഡ്വാന്സ് ബുക്കിംഗ്. എന്നാല് റിലീസിന് ഒരാഴ്ച മുന്പേ എമ്പുരാന്റെ അഡ്വാന്സ് ബുക്കിംഗ് ആരംഭിച്ചിരുന്നു. പ്രമുഖ ഓണ്ലൈന് ബുക്കിംഗ് പ്ലാറ്റ്ഫോം ആയ ബുക്ക് മൈ ഷോയിലടക്കം റെക്കോര്ഡ് പ്രതികരണമാണ് എമ്പുരാന് നേടിയത്. അതേസമയം തുടരും അഡ്വാന്സ് ബുക്കിംഗ് കണക്കുകള് എമ്പുരാന്റേതുമായി താരതമ്യം ചെയ്യപ്പെടുമെന്നത് ഉറപ്പാണ്.
ഷണ്മുഖം എന്ന ടാക്സി ഡ്രൈവറായാണ് ചിത്രത്തില് മോഹന്ലാല് എത്തുന്നത്. ശോഭനയാണ് ചിത്രത്തിലെ നായിക. ബിനു പപ്പു, ഫർഹാൻ ഫാസിൽ, മണിയൻപിള്ള രാജു എന്നിവര്ക്കൊപ്പം നിരവധി പുതുമുഖങ്ങളും ചിത്രത്തില് അഭിനയിക്കുന്നു. ഷാജി കുമാര് ആണ് ഛായാഗ്രഹണം. എഡിറ്റിംഗ് നിഷാദ് യൂസുഫ്, ഷെഫീഖ് വി ബി, സംഗീതം ജേക്സ് ബിജോയ്, എക്സിക്യൂട്ടീവ് പ്രൊഡ്യൂസര് അവന്തിക രഞ്ജിത്ത്, ശബ്ദ സംവിധാനം വിഷ്ണു ഗോവിന്ദ്, കലാസംവിധാനം ഗോകുല് ദാസ്. കെ ആര് സുനിലിന്റെ കഥയ്ക്ക് തരുണ് മൂര്ത്തിയും കെ ആര് സുനിലും ചേര്ന്നാണ് തിരക്കഥ ഒരുക്കിയിരിക്കുന്നത്.
ഇതിനകം സെന്സറിംഗ് പൂര്ത്തിയാക്കിയ ചിത്രത്തിന് 16 പ്ലസ് കാറ്റഗറിയിലുള്ള യു/ എ സര്ട്ടിഫിക്കറ്റ് ആണ്. 166 മിനിറ്റ് ആണ് ദൈര്ഘ്യം. അതായത് 2 മണിക്കൂറും 46 മിനിറ്റും. ഏറെ ശ്രദ്ധയോടെയാണ് ചിത്രത്തിന്റെ പ്രൊമോഷണല് മെറ്റീരിയലുകള് അണിയറക്കാര് പുറത്തുവിട്ടിട്ടുള്ളത്. മോഹന്ലാല് എന്ന താരത്തേക്കാള് അദ്ദേഹത്തിലെ നടനില് ശ്രദ്ധ കൊടുക്കുന്ന ചിത്രമായിരിക്കും ഇതെന്നാണ് പ്രേക്ഷക പ്രതീക്ഷ.
ALSO READ : 'കേക്ക് സ്റ്റോറി' സക്സസ് ട്രെയ്ലര് പുറത്തെത്തി