മൂന്ന് വര്ഷത്തിനുശേഷം ആ മലയാള ചിത്രം ഒടിടിയിലേക്ക്, ഗള്ഫ് പശ്ചാത്തലത്തില് ഒരു റോഡ് മൂവി
Synopsis
മുഹാദ് വെമ്പായം ആണ് സംവിധാനം.
എം എ നിഷാദ് പ്രധാന കഥാപാത്രമായ ചിത്രമാണ് ടു മെൻ. മുഹാദ് വെമ്പായം ആണ് ചിത്രം സംവിധാനം ചെയ്തത്. 2022ല് റിലീസ് ചെയ്ത ചിത്രത്തിന്റെ ഒടിടി സ്ട്രീമിംഗ് പ്രഖ്യാപിച്ചു. മനോരമമാക്സിലൂടെ സെപ്തംബര് 19 മുതലാണ് സ്ട്രീമിംഗ് തുടങ്ങുക
ഡി ഗ്രൂപ്പിന്റെ ബാനറില് മാനുവല് ക്രൂസ് ഡാര്വിന് നിര്മ്മിച്ച് കെ സതീഷ് സംവിധാനം ചെയ്ത ടു മെൻ പ്രവാസിയായ ഒരു പിക്ക് അപ് ഡ്രൈവറുടേയും അയാൾ നേരിടുന്ന അവിചാരിത സംഭവങ്ങളുടേയും കഥ പറയുന്നു. എം എ നിഷാദിനൊപ്പം ഇർഷാദ് അലിയും ചിത്രത്തിൽ കേന്ദ്രകഥാപാത്രത്തെ അവതരിപ്പിക്കുന്നു.
മലയാള സിനിമയില് ആദ്യമായിട്ടാണ് ഗള്ഫ് പശ്ചാത്തലത്തില് ഒരു റോഡ് മൂവി വന്നത്. ചിത്രത്തില് രണ്ജി പണിക്കര്, ബിനു പപ്പു, സോഹന് സീനുലാല്, ഡോണി ഡാര്വിന്, മിഥുന് രമേഷ്, കൈലാഷ്, സുധീര് കരമന, അര്ഫാസ്, സാദിഖ്, ലെന, അനുമോള്, ആര്യ തുടങ്ങിയവരും അഭിനയിക്കുന്നു. മുഹാദ് വെമ്പായം തിരക്കഥയും സംഭാഷണവും നിര്വഹിച്ചിരിക്കുന്ന ചിത്രത്തിന്റെ ഛായാഗ്രഹണം പ്രശസ്ത തെന്നിന്ത്യന് സിനിമാട്ടോഗ്രാഫര് സിദ്ധാര്ത്ഥ് രാമസ്വാമിയാണ്. റഫീഖ് അഹമ്മദിന്റെ വരികള്ക്ക് ആനന്ദ് മധുസൂദനന് സംഗീതം നല്കുന്നു.
എഡിറ്റിംഗ് വി സാജന്. ഡാനി ഡാര്വിന്, ഡോണി ഡാര്വിന് എന്നിവരാണ് എക്സികുട്ടീവ് പ്രൊഡ്യൂസര്മാര്. ഡി ഗ്രൂപ്പാണ് വിതരണക്കാര്. ഡ്രീം ബിഗ് ഫിലിംസാണ് വിതര പങ്കാളികള്. പിആര് ആന്ഡ് മാര്ക്കറ്റിംഗ് :കണ്ടന്റ് ഫാക്ടറി ആണ്.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക