അഭിമന്യു സിംഗും മകരന്ദ് ദേശ്പാണ്ഡെയും വീണ്ടും മലയാളത്തില്‍; 'വവ്വാൽ' പൂർത്തിയായി

ഷഹ്‌മോൻ ബി പറേലിൽ സംവിധാനം ചെയ്യുന്ന 'വവ്വാൽ' എന്ന മലയാള ചിത്രത്തിന്‍റെ ഷൂട്ടിംഗ് കുട്ടിക്കാനത്ത് പൂർത്തിയായി.

വവ്വാൽ എന്ന മലയാള ചിത്രത്തിന്‍റെ ഷൂട്ടിംഗ് കുട്ടിക്കാനത്ത് പൂർത്തിയായി. പൊയറ്റിക്കല്‍ ആക്ഷന്‍ ചിത്രം എന്നാണ് അണിയറക്കാര്‍ ഈ സിനിമയെ വിശേഷിപ്പിച്ചിരിക്കുന്നത്. ബിഗ് ബജറ്റില്‍ ഒരുങ്ങുന്ന ഈ ചിത്രത്തിന്‍റെ കാസ്റ്റിംഗ് ശ്രദ്ധേയമാണ്. പ്രശസ്ത ബോളിവുഡ് നടൻ അഭിമന്യു സിംഗ്, മകരന്ദ് ദേശ്പാണ്ഡേ എന്നിവർക്കൊപ്പം ലെവിൻ സൈമൺ, നായിക ലക്ഷ്മി ചപോർക്കർ എന്നിവരെ പ്രധാന കഥാപാത്രങ്ങളാക്കി ഓൺഡിമാന്റ്സിന്റെ ബാനറിൽ ഷഹ്‌മോൻ ബി പറേലിൽ തിരക്കഥയെഴുതി സംവിധാനം ചെയ്യുന്ന ചിത്രമാണ് വവ്വാൽ.

പ്രവീൺ- മെറിൻ (ഗില്ലാപ്പികൾ), മുത്തു കുമാർ, ഗോകുലൻ,സുധി കോപ്പ, മണികണ്ഠൻ ആചാരി, ദിനേശ് ആലപ്പി, മൻരാജ് തുടങ്ങി മുപ്പതോളം താരങ്ങൾ ഈ ചിത്രത്തിലുണ്ട്. പ്രൊഡ്യൂസർ ഷാമോൻ പിബി, കോ പ്രൊഡ്യൂസർ സുരീന്ദർ യാദവ്, ഛായാ​ഗ്രഹണം മനോജ് എം ജെ, പ്രൊഡക്ഷൻ ഡിസൈനർ ജോസഫ് നെല്ലിക്കൽ, എഡിറ്റർ ഫാസിൽ പി ഷഹ്‌മോൻ, സം​ഗീതം ജോൺസൺ പീറ്റർ, ഗാനരചന പി ബി എസ്, സുധാംശു, പ്രൊഡക്ഷൻ കൺട്രോളർ അനിൽ മാത്യു, മേക്കപ്പ് സന്തോഷ് വെൺപകൽ, കോസ്റ്റ്യൂം ഡിസൈനർ ഭക്തൻ മങ്ങാട്, സംഘട്ടനം നോക്കൗട്ട് നന്ദ ,ചീഫ് അസോസിയേറ്റ് ആഷിഖ് ദിൽജിത്ത്, പി ആർ ഒ- എ എസ് ദിനേശ്, സതീഷ് എരിയാളത്ത്, സ്റ്റിൽസ് രാഹുൽ തങ്കച്ചൻ, ഡിജിറ്റൽ മാർക്കറ്റിം​ഗ് ഒപ്പറ, ഹോട്ട് ആന്റ് സോർ, ഡിസൈൻ കോളിൻസ് ലിയോഫിൽ.