Vineeth Sreenivasan about Pranav : ‘എവിടെയൊക്കെയോ ലാലങ്കിളിന്റെ ശകലങ്ങള് അപ്പൂന് കിട്ടിയിട്ടുണ്ട്'; വിനീത്
Synopsis
ചിത്രം 2022 ജനുവരിയില് തിയേറ്ററുകളിലെത്തുമെന്നാണ് അണിയറ പ്രവര്ത്തകര് അറിയിച്ചിരിക്കുന്നത്.
പ്രണവ് മോഹന്ലാലിനെ (Pranav Mohanlal) നായകനാക്കി വിനീത് ശ്രീനിവാസന് (Vineeth Sreenivasan) സംവിധാനം ചെയ്യുന്ന ചിത്രമാണ് 'ഹൃദയം'(Hridayam). പാട്ടിന് ഏറെ പ്രാധാന്യമുള്ള ചിത്രത്തിലെ 'ദര്ശന' സോംഗ് (Darshana Song) ഇതിനോടകം തന്നെ പ്രേക്ഷകരുടെ ഹിറ്റ് ലിസ്റ്റിൽ ഇടംനേടി കഴിഞ്ഞു. പിന്നാലെ ഇറങ്ങിയ രണ്ട് പാട്ടുകളും ഏറെ ശ്രദ്ധിക്കപ്പെട്ടു. ഇപ്പോഴിതാ പ്രണവിനെ കുറിച്ച് വിനീത് പറഞ്ഞ വാക്കുകളാണ് ശ്രദ്ധനേടുന്നത്.
പ്രണവിന്റെ അഭിനയത്തില് കാര്യമായ മാറ്റം വരുന്നുണ്ടെന്ന് പറയുകയാണ് വിനീത് ശ്രീനിവാസന്. വണ്ടര്വാള് മീഡിയയ്ക്ക് നല്കിയ അഭിമുഖത്തിലാണ് വിനീത് പ്രണവിനെ പറ്റി മനസ് തുറന്നത്. ഇമോഷന്സ് എത്തിക്കുക എന്നൊരു സംഗതി മോഹൻലാലിന്റെ പെര്ഫോമന്സിലുണ്ട്. അത് പ്രണവിനും പെലഭിച്ചിട്ടുണ്ടെന്ന് വിനീത് പറയുന്നു.
വിനീതിന്റെ വാക്കുകൾ
‘നമ്മളിലേക്ക് ഇമോഷന്സ് എത്തിക്കുക എന്നൊരു സംഗതി ലാലങ്കിളിന്റെ പെര്ഫോമന്സിലുണ്ട്. അത് അപ്പൂന്റെ പെര്ഫോമന്സിലുമുണ്ട്. ഒരു ഭയങ്കര ഒഴുക്കുണ്ട്. വെറുതെ ഒരു സ്ഥലത്ത് കൈ വെക്കുകയാണെങ്കിലും അതിനൊരു താളമുണ്ട്. അത് ലാലങ്കിളിനുണ്ട്. കിരീടത്തിലൊക്കെ ലാലങ്കില് നടന്നു പോകുമ്പോള് ബാക്ക്ഷോട്ടില് പോലും ആ ഫീല് കിട്ടുന്നത് അതുകൊണ്ടാണ്. ഒരു മുണ്ടിന്റെ കര പിടിച്ച് നടക്കുന്ന സമയത്ത് പോലും സാധാരണക്കാരാനായി ഫീല് ചെയ്യും. എവിടെക്കെയോ അതിന്റെ ശകലങ്ങള് അപ്പൂന് കിട്ടിയിട്ടുണ്ട്. അവന് ഒരു ഗ്ലോബല് സിറ്റിസണെ പോലെ നടന്നുകൊണ്ടിരിക്കുകയാണ്. മലയാളത്തിലേക്ക് വരികയും കൂടുതല് ആളുകളുടെ കൂടെ വര്ക്ക് ചെയ്യുകയും ചെയ്യുമ്പോള് അത് തെളിഞ്ഞുവരുമെന്നാണ് തോന്നുന്നത്. ഷൂട്ട് ചെയ്യുമ്പോള് അപ്പൂന്റെ കുറെ നല്ല മൊമെന്റ്സ് ക്യാപ്ച്ചര് ചെയ്യാന് പറ്റിയിട്ടുണ്ട്. എനിക്ക് ഫീല് ചെയ്യുന്നത് ഇതൊരു തുടക്കമാണ്. ഇതിന്റെ മുകളിലേക്കാണ് ആള് പോവുക. പാഷനേറ്റ് ആയ മുഷ്യനാണ് പ്രണവ്’.
Read Also: Hridayam song : പ്രണവിനൊപ്പം കല്യാണിയും; 'ഹൃദയം' മൂന്നാമത്തെ ഗാനം റിലീസ് ചെയ്തു
അതേസമയം, ചിത്രം 2022 ജനുവരിയില് തിയേറ്ററുകളിലെത്തുമെന്നാണ് അണിയറ പ്രവര്ത്തകര് അറിയിച്ചിരിക്കുന്നത്. പാട്ടുകളുടെ എണ്ണത്തില് റെക്കോര്ഡ് ഇട്ടാണ് ചിത്രം എത്തുന്നത്. 15 ഗാനങ്ങളാണ് ചിത്രത്തില് ഉള്ളത്. ഒപ്പം ഗാനങ്ങള് ഓഡിയോ കാസറ്റ് ആയും ഓഡിയോ സിഡിയായും പുറത്തിറക്കുന്നുണ്ട്. ഹിഷാം അബ്ദുള് വഹാബ് ആണ് 'ഹൃദയ'ത്തിന്റെ സംഗീത സംവിധായകന്. ജേക്കബിന്റെ സ്വര്ഗ്ഗരാജ്യം പുറത്തിറങ്ങി അഞ്ച് വര്ഷത്തിനു ശേഷമാണ് വിനീത് പുതിയ ചിത്രവുമായി എത്തുന്നത്.
മെറിലാന്ഡ് സിനിമാസിന്റെ ബാനറില് വിശാഖ് സുബ്രഹ്മണ്യമാണ് ചിത്രം നിര്മ്മിക്കുന്നത്. ഒരുകാലത്ത് മലയാള സിനിമയിലെ പ്രശസ്ത ബാനര് ആയിരുന്ന മെറിലാന്ഡിന്റെ തിരിച്ചുവരവ് ചിത്രം കൂടിയാണ് ഇത്. 'ഇരുപത്തിയൊന്നാം നൂറ്റാണ്ടി'നു ശേഷം പ്രണവ് മോഹന്ലാല് നായകനാവുന്ന ചിത്രമാണിത്.
Read More: Marakkar : കുഞ്ഞു കുഞ്ഞാലിയെ ഗംഭീരമാക്കിയ പ്രണവ്; വീഡിയോയുമായി അണിയറ പ്രവര്ത്തകര്